استانا: 
580 
0
استانا. 11 قاراشا. baq.kz – مەملەكەت باسشىسىنىڭ توراعالىعىمەن ٴوتىپ جاتقان «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا بايانداما جاساعان ۇلتتىق كاسىپكەرلەر پالاتاسىنىڭ ٴتوراعاسى ابىلاي مىرزاحمەتوۆ شاعىن جانە ورتا بيزنەستەن تۇسكەن پايدا جايىندا باياندادى.
- اعىمداعى جىلدىڭ سوڭىنا دەيىن ٴسىزدىڭ ارنايى تاپسىرماڭىزعا وراي ەل كاسىپكەرلەرىن تەكسەرۋگە موراتوريي جاريالاۋىنىڭ ناتيجەسىندە، رۇقسات بەرۋ قۇجاتتارىنىڭ سانى 30%-عا دەيىن ازايدى. ال «نۇر وتان» پارتياسى فراكسياسىنىڭ قولداۋىمەن «رۇقساتتامالار مەن ەسكەرتۋلەر تۋرالى» ارنايى زاڭ قابىلداندى، - دەدى ابىلاي يسابەك ۇلى.
- ٴبىراق، موراتوريي مەرزىمىنىڭ بىتۋىنە دە از ۋاقىت قالدى. ودان كەيىنگى جاعدايعا دايىندىقتارىڭ قالاي؟ ەل ازاماتتارىنا كاسىپكەرلىكتىڭ قىر-سىرىن ۇيرەتىپ، ونىڭ كوزىن تابۋعا قانشالىقتى ۇيرەتە الدىڭدار، - دەدى ەلباسى ۇكپ ٴتوراعاسىنا.
- ٴبىز كاسىپكەرلەردىڭ قۇقىن قورعاۋدا جانە وسىعان تۇرعىنداردى باۋلۋدا جەرگىلىكتى جەرلەردە وتە بەلسەندى ارەكەتتەر ەتۋدەمىز. كەلەر جىلدان باستاپ ورىن الۋى مۇمكىن قۇزىرلى ورگاندار تەكسەرىسىنە دە ارنايى جوسپارلى دايىندىقتار جۇرگىزۋدەمىز. سونىڭ ناتيجەسىندە شاعىن جانە ورتا بيزنەس ونىمدەرىنىڭ ٴوسىمى سوڭعى جىلدا ٴبىر جارىم تريلليون تەڭگەدەن ارتىق سومانى قۇرادى، - دەدى ۇلتتىق كاسىپكەرلەر پالاتاسىنىڭ ٴتوراعاسى، پارتيا ساياسي كەڭەسىنىڭ مۇشەسى ابىلاي مىرزاحمەتوۆ.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0