استانا: 
386 
0
استانا. 13 اقپان. baq.kz – سقو-دا تاماق وندىرىسىمەن 100-دەن اسا كاسىپورىن اينالىسادى. مەملەكەت باسشىسى نۇرسۇلتان نازاربايەۆ ۇكىمەتتىڭ كەڭەيتىلگەن وتىرىسىندا وتاندىق تاۋار وندىرۋشىلەردى قولداپ، وزىمىزدە جاسالعان ٴونىمدى ساتىپ الۋعا شاقىرعان بولاتىن.
بۇل رەتتە سولتۇستىك قازاقستانداعى دۇكەندەردە ارنايى سورەلەر قۇرىلدى. وندا تەك قانا جەرگىلىكتى وندىرۋشىلەردىڭ تاۋارى ساتىلادى. تامارا بالايەۆا – وتاندىق تاۋار وندىرۋشىلەر مەن ساتىپ الۋشىلاردىڭ سويىلىن سوعىپ، جوعىن جوقتاپ جۇرگەن جان. كاسىپكەرلەر مەن تۇتىنۋشىلاردىڭ قۇقىعىن قورعاۋ ۇيىمىنىڭ ٴتورايىمى وزگەدەن گورى ٴوزىمىزدىڭ ٴونىمدى قۇپ كورەدى.
تامارا بالايەۆا، سقو كاسىپكەرلەرى مەن تۇتىنۋشىلارىنىڭ قۇقىعىن قورعاۋ ۇيىمىنىڭ ٴتورايىمى:
- ٴبىز وتاندىق ٴونىمدى تۇتىنۋىمىز كەرەك. بۇل – قالتامىزداعى اقشانى ٴوز قازىنامىزعا سالۋ، ياعني ەل ەكونوميكاسىنىڭ دامۋىنا ۇلەس قوسۋ. وسى كەزەڭدە بىر-بىرىمىزگە تىرەۋ بولعانىمىز ٴجون. ارينە، تۇتىنۋشى قايسىسىن تاڭداسا دا ٴوز ەركى. ماcەلەن، پەتروپاۆل قالاسىنداعى ساۋدا ۇيىندە ساتىلاتىن ٴبىرىنشى كەزەكتەگى تاۋارلاردىڭ 70%-ى وزىمىزدە وندىرىلگەن. ٴبىر عانا ٴسۇت ونىمدەرىن 10-عا جۋىق جەرگىلىكتى كاسىپورىن جەتكىزەدى. سولتۇستىك قازاقستان وبلىسىندا تاماق وندىرىسىمەن 100-دەن اسا كاسىپورىن اينالىسادى. جەرگىلىكتى بيلىك وكىلدەرىنىڭ باستاماسىمەن وتاندىق تاۋار وندىرۋشىلەردىڭ ٴونىمى الدىڭعى سورەلەرگە شىعارىلدى.
لاريسا پرۋدنيكوۆا، ساۋدا ٴۇيىنىڭ ديرەكتورى:
- ٴبىزدىڭ ساۋدا سورەلەرىندە 20 مىڭعا جۋىق تاۋار ٴتۇرى بار. ونىڭ ىشىندە بىرىنشە كەزەكتەگى ٴسۇت، ەت، ماكارون تاعى باسقا ونىمدەردىڭ باسىم بولىگى قازاقستاندا جاسالعان. وتاندىق تاۋارلار تۇتىنۋشىلاردىڭ سەنىمىن باياعىدا جاۋلاپ العان. سوندىقتان كۇنبە-كۇن جەتكىزىلىپ تۇرادى. ساۋداگەرلەردىڭ ايتۋىنشا، وتاندىق ٴونىم ساپاسى جاعىنان ەشكىمگە دەس بەرمەيدى. بۇل ەل ٴۇشىن دە، كاسىپكەر ٴۇشىن دە، ەڭ باستىسى تۇتىنۋشىعا ٴتيىمدى.
24.kz
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0