شارۋالاردى سۋبسيديالاۋ باعدارلاماسى اياسىندا بولىنگەن قاراجات 100% يگەرىلدى

استانا. 2 قاڭتار. baq.kz – 2014 جىلى اگروونەركاسىپتىك كەشەن (اوك) سۋبەكتىلەرىن ينۆەستيسيالىق سۋبسيديالاۋ باعدارلاماسى اياسىندا 13،08 ملرد. تەڭگە سوماداعى سۋبسيديالاردىڭ تولەنۋى ماقۇلدانعان بولاتىن. بۇل - باعدارلاما بويىنشا قاراستىرىلعان قاراجاتتىڭ 100 پايىزى.  

باعدارلاماعا ەلىمىزدىڭ بارلىق وبلىستارى مەن استانا قالاسىنىڭ ينۆەستورلارى – اوك سۋبەكتىلەرى قاتىستى. بارلىعى 1 146 جوبا بويىنشا سۋبسيديا تولەۋ ماقۇلدانعان. ال، بۇل جوبالار 2014 جىلدىڭ 1 قاڭتارىنان باستاپ ىسكە قوسىلعان ەدى.

ماقۇلدانعان وتىنىمدەردىڭ نەعۇرلىم كوپ سانى مىناداي باعىتتارعا تيەسىلى:

1. «ٴىرى قارا مالدىڭ تاۋارلى فەرمالارىن كەڭەيتۋ جانە تەحنيكالىق جاراقتاۋ» - 405 ٴوتىنىم;

2. «ەتتى مال شارۋاشىلىعى، قوي شارۋاشىلىعى، جىلقى شارۋاشىلىعى جانە شوشقا شارۋاشىلىعى بويىنشا شارۋاشىلىقتار قۇرۋ جانە كەڭەيتۋ» - 330 ٴوتىنىم;

3. «ٴسۇتتى-تاۋارلى فەرمالاردى قۇرۋ جانە كەڭەيتۋ» - 112 ٴوتىنىم;

4. «جايىلىمداردى سۋلاندىرۋ ينفراقۇرىلىمدارىن سالۋ» - 101 ٴوتىنىم;

5. «سۋارۋ جۇيەلەرىن قۇرۋ جانە كەڭەيتۋ» - 80 ٴوتىنىم.

سۋبسيديالاردىڭ نەعۇرلىم كوپ بولىگىنىڭ مىناداي باعىتتار بويىنشا تولەنۋى ماقۇلداندى:

1. «سۋارۋ جۇيەلەرىن قۇرۋ جانە كەڭەيتۋ» - 2،5 ملرد. تەڭگە;

2. «كوكونىستەر جانە جەمىستەر ٴوسىرۋ بويىنشا كاسىپورىندار قۇرۋ جانە كەڭەيتۋ» - 1،8 ملرد. تەڭگە;

3. «ەتتى مال شارۋاشىلىعى، قوي شارۋاشىلىعى، جىلقى شارۋاشىلىعى جانە شوشقا شارۋاشىلىعى بويىنشا شارۋاشىلىقتار قۇرۋ جانە كەڭەيتۋ» - 1،7 ملرد. تەڭگە;

4. «قۇس شارۋاشىلىعىندا كاسىپورىنداردى قۇرۋ جانە كەڭەيتۋ» - 1،2 ملرد. تەڭگە;

5. «ٴسۇتتى-تاۋارلى فەرمالاردى قۇرۋ جانە كەڭەيتۋ» - 1 ملرد. تەڭگە.

ەسكە سالا كەتسەك، ينۆەستيسيالىق سۋبسيديالاۋ ەلىمىزدە بيىل العاش رەت «اگروبيزنەس-2020» باعدارلاماسى اياسىندا جۇزەگە اسىرىلدى.

«قازاگروماركەتينگ» اق ينۆەستيسيالىق سۋبسيديالاۋ باعدارلاماسىنىڭ وپەراتورى بولىپ تابىلادى جانە ينۆەستورلاردان باعدارلاماعا قاتىسۋ ٴۇشىن وتىنىمدەر قابىلدايدى. باعدارلاماعا سايكەس قازاقستان رەسپۋبليكاسىندا ينۆەستيسيالىق سالىنىمداردى جۇزەگە اسىراتىن اگروونەركاسىپ كەشەن سۋبەكتىسى بولىپ تابىلاتىن جەكە جانە زاڭدى تۇلعالارعا ينۆەستيسيالىق سۋبسيديالار تولەنەدى. ينۆەستيسيالىق سۋبسيديالار ينۆەستورلاردىڭ قازاقستان رەسپۋبليكاسى اگروونەركاسىپتىك كەشەنىندەگى جاڭا وندىرىستىك قۋاتتار قۇرۋعا نەمەسە جۇمىس ىستەپ تۇرعاندارىن كەڭەيتۋگە، ونىڭ ىشىندە تەحنيكا مەن جابدىقتار ساتىپ الۋعا باعىتتالعان شىعىندارىنىڭ ٴبىر بولىگىن وتەيدى.

ينۆەستيسيالىق سۋبسيديالار ينۆەستيسيالىق جوبانى ىسكە اسىرۋعا كەتكەن شىعىنداردىڭ 20-دان 80%-عا دەيىنگى ۇلەسىن وتەۋگە باعىتتالعان.

ينۆەستيسيالىق سۋبسيديالاۋ قر ۇكىمەتىنىڭ 2014 جىلدىڭ 29 ساۋىرىندەگى №421 قاۋلىسىمەن بەكىتىلگەن اگروونەركاسىپتىك كەشەن سۋبەكتىسى ينۆەستيسيالىق سالىنىمدار كەزىندە جۇمساعان شىعىستارىنىڭ ٴبىر بولىگىنىڭ ورنىن تولتىرۋ بويىنشا سۋبسيديالاۋ قاعيدالارى نەگىزىندە جۇزەگە اسىرىلادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!