BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساپاربايەۆ وڭتۇستىككورەيالىق كومپانيا باسشىلارىمەن كەزدەستى

استانا، baq.kz. اقتوبە وبلىسىنىڭ اكىمى بەردىبەك ساپاربايەۆ وڭتۇستىك كورەياعا جۇمىس ساپارى كەزىندە الەمدىك دەڭگەيدەگى ٴبىرقاتار كومپانيالاردىڭ باسشىلارىمەن كەزدەستى، دەپ جازادى وبلىس اكىمدىگىنىڭ ٴباسپاسوز قىزمەتى.

بەردىبەك ساپاربايەۆ پەن قازاقستان رەسپۋبليكاسىنىڭ كورەيا رەسپۋبليكاسىنداعى ەلشىسى باقىت دۇيسەنبايەۆ وڭتۇستىك كورەيالىق yooshin engineering corporation ينجينيرينگتىك كومپانياسىنىڭ ۆيسە-پرەزيدەنتى كيم كيونگ حومەن كەلىسسوزدەر جۇرگىزدى. كەزدەسۋ كەزىندە yooshin كومپانياسىنىڭ اقتوبە وبلىسىنداعى ٴتۇرلى نىسانداردىڭ جوبالاۋى مەن قۇرىلىسىنا قاتىسۋ جايى تالقىلاندى.

اتاپ ايتقاندا، كورەيالىق سەرىكتەستەر 455 شاقىرىمدىق «اقتوبە-ماقات» كولىك جولىنىڭ قۇرىلىسى بويىنشا جوبانى جۇزەگە اسىرۋعا قىزىعۋشىلىق تانىتاتىندارىن ٴبىلدىردى. تاراپتار ٴوزارا ٴتيىمدى ارىپتەستىكتى ٴارى قاراي جولعا قويۋ ٴۇشىن ناقتى جوبالاردى ەگجەي-تەگجەي قاراۋ تۋرالى كەلىسمگە كەلدى.

«اقتوبە – قازاقستاننىڭ باتىسىنداعى ٴىرى قالا. ٴبىزدىڭ قۇرىلىس پەن قالالىق جوبالاۋعا قاتىسۋىمىزعا بولاتىن وتە پەرسپەكتيۆتى ايماق دەپ ويلايمىز»، - دەپ اتاپ ٴوتتى كيم كيونگ حو.

yooshin engineering corporation – نەگىزى 1966 جىلى قالانعان، جول، اۋەجاي، تەمىرجول، قۇتقارۋ، قالالىق جوبالاۋمەن، قاداعالاۋمەن جانە باسقا دا جوبالىق جۇمىستارمەن اينالىساتىن قۇرىلىس كومپانياسى. بۇگىندە ونداعان ەلدە فيليالى بار كومپانيا كولىك جەلىسىنىڭ قۇرىلىسى بويىنشا ٴىرى حالىقارالىق جوبالارعا قاتىسادى. بۇدان باسقا، «dongilhighvill» كارىس قۇرىلىس كومپانياسىنىڭ پرەزيدەنتى كو دونگ حيۋنمەن دە كەزدەسۋ بولدى. كومپانيا كورەيانىڭ تۇرعىن ٴۇي قۇرىلىسى سالاسىندا كوشباسىنداعى ورىندا. قازاقستان نارىعىنا 2004 جىلى كەلگەن.

«بىلتىر اقتوبە وبلىسىندا 870 مىڭ شارشى مەتر باسپانا سالىندى، بيىل كەم دەگەندە 900 مىڭ شارشى مەتر تۇرعىن ٴۇي سالۋدى جوسپارلاپ وتىرمىز. تۇرعىن ٴۇي قۇرىلىسى ٴتيىمدى مەملەكەتتىك باعدارلامالاردىڭ ارقاسىندا وتە بەلسەندى. ٴبىزدىڭ وبلىستا نەگىزىندە جەرگىلىكتى قۇرىلىسشىلار جۇمىس ىستەيدى، سوعان قاراماستان حالىقتىڭ كەڭ ٴارى قولايلى پاتەرگە دەگەن قاجەتتىلىگى ارتىپ كەلەدى. سوندىقتان، وڭىرگە قازاقستاندا جۇمىس جاسايتىن ٴىرى قۇرىلىس كومپانيالارىن تارتۋدى باستادىق. سولاردىڭ قاتارىنان ٴسىزدى دە كورگىمىز كەلەدى»، - دەدى بەردىبەك ساپاربايەۆ.

ٴوز كەزەگىندە كو دونگ حيۋن قازاقستان وڭىرىمەن سەرىكتەستىك بايلانىستى كەڭەيتۋگە مۇددەلى ەكەنىن راستادى. ارىپتەستىك تۋرالى كەلىسىم اقتوبە وبلىسىنىڭ قۇرىلىس نارىعىن ەگجەي-تەگجەي تالداعان سوڭ قابىلداناتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي