BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سامۇرىق-قازىنانىڭ» تازا پايداسى ەكى ەسەدەن اسىپ ٴتۇستى

استانا، baq.kz. «سامۇرىق-قازىنا» قورى جوسپارلانعان قارجىلىق كورسەتكىشتەرىن جاقسارتتى. كومپانيانىڭ ٴباسپاسوز قىزمەتىنىڭ حابارلاۋىنشا، بيىلعى 9 ايدا قور 825،3 ملرد تەڭگە تازا پايدا الدى. بۇل وتكەن جىلدىڭ وسى مەرزىمىمەن سالىستىرعاندا ەكى ەسەدەن استام كورسەتكىش.

الىنعان دەرەكتەر وتكەن جىلعى كورسەتكىشتەن ەكى ەسەدەن كوپ ارتىق، ٴارى وسى كەزەڭگە جاسالعان جىلدىق جوسپار 533 ملرد تەڭگەنى قۇرادى. وسىنداي اقپارات قور باسقارماسىنىڭ ٴتوراعاسى احمەتجان ەسىموۆتىڭ پورتفەلدىك كومپانيالار باسشىلارىمەن وتكەن كەزدەسۋىندە جاريالاندى.

سونداي-اق «سامۇرىق-قازىنا» ٴۇاق ەسەپ بەرۋ كەزەڭىندە باسقا دا كورسەتكىشتەر تۋرالى ايتىپ بەردى. ماسەلەن، ەلەكتر ەنەرگياسىن ٴوندىرۋ كولەمى 9 ايدا 17%، ياعني 20،2-دەن 23،6 ملرد كۆت ساعاتقا دەيىن ٴوستى. كومىر ٴوندىرىسى 13 پايىزعا ارتىپ، 32،6 ملن تونناعا جەتتى. مۇناي جانە گاز كوندەنساتىن ٴوندىرۋ 17،6 ملن توننانى قۇرادى، بۇل – مولشەرىمەن وتكەن جىلدىڭ كورسەتكىشتەرىنە تەڭ. تابيعي گاز ٴوندىرىسى 2 پايىزعا ارتىپ، 5،8 ملن تونناعا جەتتى. زاۋىتتىڭ وڭدەۋ كولەمى 8% ارتىپ، 9،9 ملن تونناعا جەتتى. تەمىرجول جۇك تاسىمالى اينالىمى 8 پايىزعا ارتىپ، 150-دەن 162 ملرد تونناعا دەيىن ٴوستى. ال وپەراسيالىق پايدا (noplat) 635،7 ملرد تەڭگەنى قۇرادى، بۇل 2017 جىلعى كورسەتكىشتەردەن 336 ملرد تەڭگەگە نەمەسە 112% ارتىق.

كومپانيا قارجى كورسەتكىشتەرىنىڭ ايتارلىقتاي جاقسارۋى كومپانيالار توبى بويىنشا ٴوندىرىس كورسەتكىشتەرىنىڭ وسۋىنە جانە مۇناي باعاسىنىڭ وڭ ۇردىسىنە بايلانىستى دەپ مالىمدەدى.

ايتا كەتۋ كەرەك، بيىلعى جىلدىڭ ٴساۋىر ايىندا قر پرەزيدەنتى نۇرسۇلتان نازاربايەۆ 2018-2028 جىلدارعا ارنالعان قوردىڭ جاڭا دامۋ ستراتەگياسىن ماقۇلدادى. قۇجاتتا پورتفەلدىك كومپانيالاردى ٴتيىمدى باسقارۋ جانە ولاردىڭ كورسەتكىشتەرىنىڭ الەمدىك انالوگ- كومپانيالارمەن تەڭەستىرىلۋى قوردىڭ نەگىزگى ماقساتتارى مەن مانداتتارىنىڭ ٴبىرى دەلىنگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي