BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنتىڭ ەۋروپاعا ساپارى: $ 16 ملرد ينۆەستيسيالىق جوبالار جۇزەگە اسىرىلادى

فوتو: Ақорда

استانا، baq.kz. 2018 جىلعى 17–18 قازاندا ەلباسى بەلگيا كورولدىگىنە رەسمي ساپارمەن بارىپ قايتتى. بريۋسسەلدە royal dutch shell، alstom، claas group، borealis، linde group جانە ت.ب. سەكىلدى 25 جەتەكشى ەۋروپالىق كومپانيانىڭ جانە تۇك باسشىلارىمەن كەزدەسۋ ٴوتتى. kazakh invest ەۋروپالىق بيزنەسمەندەرمەن ٴبىرقاتار كەزدەسۋلەر وتكىزدى، وندا الەۋەتتى ينۆەستورلارمەن ىنتىماقتاستىقتى ودان ٴارى دامىتۋدىڭ پەرسپەكتيۆالارى مەن جوبالارى ەگجەي-تەگجەيلى تالقىلاندى.

«قازىرگى تاڭدا كەزدەسۋ قاتىسۋشىلارى $16 ملرد استام سوماعا جەتى ينۆەستيسيالىق جوبانى جۇزەگە اسىردى. ىسكە اسىرىلعان جۇمىستاردىڭ ىشىندە shell مۇناي ونەركاسىبىندەگى جوبالار، alstom ەلەكتروۆوز جانە ترانسفورماتور ٴوندىرىسى، شىمكەنت قالاسىنداعى polpharma فارماسەۆتيكالىق زاۋىتى بار. ىسكە اسىرۋ ساتىسىندا قۇرىلىس ماتەريالدارىن وندىرۋگە، كۇن ەلەكتر ستانسياسىنىڭ قۇرىلىسىنا، كارتوپتى قايتا وڭدەۋگە جانە ت.ب. باعىتتالعان تاعى التى جوبا بار. اتالعان ينۆەستيسيالىق جوبالاردىڭ جالپى قۇنى $300 ملن اسادى. بولاشاقتا ەۋروپالىق ينۆەستورلاردىڭ قاتىسۋىمەن تاعى 12 ٴوندىرىستى ىسكە قوسۋ قاراستىرىلۋدا»، - دەپ جازادى primeminister.kz.

«kazakh invest» اق باسقارما ٴتوراعاسى ساپاربەك تۇياقبايەۆپەن اڭگىمەلەسۋ بارىسىندا carmeuse group ترانسۇلتتىق كورپوراسياسىنىڭ وكىلدەرى قاراعاندى وبلىسىنداعى سارىوپان كەن ورنىندا ٴى سۇرىپتى اكتاس ٴوندىرۋ زاۋىتىن سالۋ جونىندەگى ٴىرى جوبانى ىسكە اسىرۋ تۋرالى ايتىپ بەردى. قازىرگى ۋاقىتتا زاۋىت قۇرىلىسىنىڭ تەحنيكالىق-ەكونوميكالىق نەگىزدەمەسى جانە جوبالىق-سمەتالىق قۇجاتتاماسى ازىرلەنۋدە، ٴوندىرىس تەحنولوگياسى انىقتالدى، جەر تەلىمى جانە جەر قويناۋىن پايدالانۋ قۇقىعى بەرىلدى.

سونىمەن قاتار، س. تۇياقبايەۆ بەلگيالىق van hool ماشينا جاساۋ كومپانياسىنىڭ باسشىلىعىمەن ودان ٴارى ىنتىماقتاسۋ پەرسپەكتيۆالارىن تالقىلادى. كومپانيا قازاقستاندا اۆتوبۋستار شىعاراتىن بىرلەسكەن كاسىپورىن اشۋعا قىزىعۋشىلىق تانىتۋدا. van hool وكىلدەرى جاڭا تەحنولوگيالاردىڭ ترانسفەرتىن جۇزەگە اسىرۋعا، جۇمىس ورىندارىن اشۋعا جانە جەرگىلىكتى كادرلاردى وقىتۋعا، ەلدە بار اۆتوبۋستارمەن قاتار جاڭا اۆتوبۋستارعا دا قىزمەت كورسەتۋگە ارنالعان سەرۆيستىك ورتالىقتار اشۋعا دايىن ەكەنىن ٴبىلدىردى.

بىرلەسكەن جۇمىستىڭ پەرسپەكتيۆالارىن تالقىلاۋ بارىسىندا tonnies holding ٴىرى نەمىس ازىق-تۇلىك كومپانياسىنىڭ باسشىسى كلەمەنس توننيەس ەت وڭدەۋ زاۋىتىن سالۋ بويىنشا بىرلەسكەن جوبانى جۇزەگە اسىرۋ جوسپارلارى تۋرالى اڭگىمەلەپ بەردى. كاسىپورىن قۇرامىنا شوشقا فەرماسى، قۇس فابريكاسى، بورداقىلاۋ الاڭى، مال ازىعىن ٴوندىرۋ كىرەدى. بۇگىندە نەمىس تاراپى جوبانى جۇزەگە اسىرۋ ٴۇشىن الەۋەتتى قازاقستاندىق سەرىكتەستى جانە ايماقتى تاڭداۋدا.

ديالوگ اياقتالعاننان كەيىن kazakh invest قولداۋىمەن جۇزەگە اسىرىلىپ جاتقان جوبالار مەن جاڭا باستامالار تولىعىراق تالقىلانعان قازاقستاندىق دەلەگاسيانىڭ ٴىرى ەۋروپالىق كومپانيالاردىڭ باسشىلارىمەن ٴبىرقاتار جەكە كەزدەسۋلەرى ٴوتتى. قر ەنەرگەتيكا مينيسترلىگى مەن ەۋروپا قايتا قۇرۋ جانە دامۋ بانكى اراسىندا وڭتۇستىك قازاقستان وبلىسى اۋماعىندا قۋاتى 28 مۆت بولاتىن كۇن ەلەكتر ستانسياسىن سالۋ تۋرالى مەموراندۋمدا بەكىتىلگەن ناقتى كەلىسىمدەرگە قول جەتكىزىلدى. جوبانىڭ جالپى قۇنى $35 ملن قۇرايدى. جوبانى قارجىلاندىرۋدى تەڭگەمەن ۇسىنۋ جوسپارلانۋدا.

بۇدان وزگە، «kazakh invest» ۇك قولداۋىمەن «astana» اكك جانە حالىقارالىق ساۋدا ورتالىقتارى قاۋىمداستىعى (wtca) اراسىندا ىنتىماقتاستىق تۋرالى مەموراندۋمعا قول قويىلدى. مەموراندۋمنىڭ نەگىزگى ماقساتى — استانا قالاسىندا دۇنيەجۇزىلىك ساۋدا ورتالىعىن سالۋ.

حالىقارالىق ساۋدا ورتالىقتارىنىڭ قاۋىمداستىعى (wtca) — حالىقارالىق ساياسي ەمەس ۇيىم، حالىقارالىق ساۋدا مەن ينۆەستيسيالاردى دامىتۋعا جاردەمدەسۋگە ارنالعان ەڭ تانىمال الەمدىك برەندتەردىڭ ٴبىرى. wtca شتاب-پاتەرى اقش-تا ورنالاسقان. wtca پايدا بولعاننان بەرى قىرىق جىل ىشىندە الەمنىڭ 90-نان استام ەلىندە 330-دان استام نىسان سالىندى جانە 15 مىڭنان استام جۇمىس ورنى اشىلدى. نىساندار — نيۋ-يورك، امستەردام، توكيو، سەۋل سەكىلدى الەمنىڭ ٴىرى قالالارىنداعى كورىكتى ورىندار.

van hool — اۆتوبۋستار، تروللەيبۋستار، اشىق تىركەمەلەر جانە اۆتوسيستەرنالاردى قوسا العاندا، كولىك قۇرالدارىن وندىرۋمەن اينالىساتىن بەلگيالىق ماشينا جاساۋ كومپانياسى. كومپانيا جىلىنا شامامەن 1400 اۆتوبۋس شىعارادى، ونىڭ 80%-ى ەۋروپا مەن امەريكا نارىقتارىنا ەكسپورتتالادى.

tوnnies holding ازىق-تۇلىك ونەركاسىبىنە مامانداندىرىلعان. كومپانيا سۋپەرماركەتتەرگە بولشەك، كوتەرمە جانە باسقا دا تۇتىنۋشىلارعا جەتكىزىلەتىن ەت ونىمدەرىن شىعارادى. كاسىپورىن گەرمانيا، دانيا، فرانسيا، پولشا جانە ۇلىبريتانيادا ورنالاسقان توعىز ٴوندىرىس ورىندارىنا يە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي