پرەمەر-مينيستر كارىم ٴماسىموۆ استانا مەن الماتى قالالارىنىڭ جانە وبلىستاردىڭ اكىمدەرىنە ازىق-تۇلىك تاۋارلارى رىنوگىندا باعا بەلگىلەۋدى قاداعالاۋدى كۇشەيتۋ تۋرالى تاپسىرما بەردى.
ورتالىق اتقارۋشى ورگاندارعا باعالاردى تۇراقتاندىرۋ جانە كەدەن وداعى اياسىندا قول جەتكىزىلگەن كەلىسىمدەر مەن قازىرگى جاعدايعا بايلانىستى قازاقستاننىڭ ىشكى رىنوگىن ازىق-تۇلىك تاۋارلارىمەن تولتىرۋعا قاتىستى كەشەندى جۇيەلى شارالاردى ىسكە اسىرۋدى تاپسىردى. پرەمەر-مينيستر بۇل شارالاردا الەۋمەتتىك ماڭىزى بار ازىق-تۇلىك تاۋارلارىنا باعا بەلگىلەۋدى جەتىلدىرۋگە، اگروونەركاسىپتىك كەشەندى مەملەكەتتىك قولداۋ جۇيەسىندە سۋبسيديالاۋ تيىمدىلىگىن ارتتىرۋ، ازاماتتاردىڭ جەكە ساناتتارىنا مەكەنجاي بويىنشا اتاۋلى كومەك كورسەتۋ، سونىمەن قاتار تاريف بەلگىلەۋ مەن سۋبسيديالاۋ ماسەلەلەرىندە ورتالىق جانە جەرگىلىكتى اتقارۋشى ورگانداردىڭ ىقپالداستىعىن دامىتۋعا ماڭىزدى ٴرول بەرىلۋى تيىستىگىن اتاپ ٴوتتى.
ك.ٴماسىموۆ اكىمدىكتەرگە بازارلار مەن ساۋدا ۇيلەرىنىڭ باسشىلارى تاراپىنان ساۋدا ورىندارى ٴۇشىن جالعا الۋ قۇنىن نەگىزسىز اسىرىپ جىبەرۋ سالدارىنان ىسكەرلىك بەلسەندىلىكتىڭ تومەندەۋى مەن ونىمدەردىڭ قۇنىنىڭ ٴوسىپ كەتۋىنە جول بەرمەۋ ٴۇشىن قاجەتتى شارالاردى قولعا الۋدى تاپسىردى. جەرگىلىكتى اتقارۋشى ورگاندارعا، سونداي-اق، ازىق-تۇلىك تاۋارلارىن ٴوندىرۋشى ٴىرى تاۋار وندىرۋشىلەر مەن ايماقتىق ازىق-تۇلىك تاۋارلارىن جەتكىزۋشىلەر ٴۇشىن كوممۋنالدىق بازارلاردا تۇراقتى ساۋدا ورىندارىن ناقتىلاپ بەرۋ جونىندە دە تاپسىرمالار بەرىلدى. قۇقىق قورعاۋ جانە قاداعالاۋ ورگاندارىنا ازىق-تۇلىك تاۋارلارىنىڭ ٴىرى وندىرۋشىلەرى ديلەرلەرىنىڭ ساۋدا قىزمەتتەرىنە، سونداي-اق الەۋمەتتىك ماڭىزى زور ازىق-تۇلىك تاۋارلارىن ساتۋمەن اينالىساتىن الىپساتارلار مەن دەلدالدار توبىنىڭ قىزمەتىنە باقىلاۋدى كۇشەيتۋ تاپسىرىلدى.
http://dmk.kz/؟p=7267#more-7267
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0 
استانا: 
498 
0
