استانا: 
677 
0
استانا. 21 قاراشا. baq.kz - پولشا قازاقستاننىڭ تەمىر جول سالاسىنا ميلليارد ەۆرو ينۆەستيسيالاۋعا مۇددەلى. بۇل تۋرالى pesa رەلستى اۆتوبۋس شىعارۋ، نارىقتاردىڭ ماركەتينگتىك قىزمەت كومپانياسىنىڭ ديرەكتورى داريۋس سكوتنيسكي استاناداعى قازاقستان-پولشا بيزنەس-فورۋمىندا مالىمدەدى، دەپ حابارلايدى almaty.tv
«ٴبىز قازاقستاندى ٴوز بيزنەسىمىزدى تەك وسى ەلدە عانا ەمەس، كەدەندىك وداق ەلدەرىندە دامىتۋعا مۇمكىندىك بەرەتىن ەل رەتىندە قارايمىز»، - دەدى ول.
پولشا كومپانياسىنىڭ وكىلى قازاقستانعا ينۆەستيسيا سالۋ بويىنشا كەلىسسوزدەر ٴجۇرىپ جاتقاندىعىن اتاپ ٴوتتى.
«ينۆەستيسيا قۇنى ميلليارد ەۆروعا جەتۋى مۇمكىن. ٴبىزدىڭ بىلۋىمىزشە قازاقستان مەن استانا وتە قارقىندى دامۋدا. جەدەل ترامۆاي، تەمىر جولدى دامىتۋ، الماتىداعى ترامۆايدى قالپىنا كەلتىرۋ جوبالارى بار. بۇگىنگى تاڭدا پولشالىق جوبالاردى جۇزەگە اسىرۋ ەلدەردىڭ ۇكىمەتى دەڭگەيىندە جۇزەگە اسىرىلۋدا»، - دەدى ول.
ٴوز كەزەگىندە پولشا ينۆەستورلارى قازاقستاندىق تاراپتىڭ شەتەلدىك ينۆەستورلارعا ۇسىنىستارىن نازاردا ۇستاپ وتىر.
«ينۆەستيسيالىق تۇرعىدا قازاقستان ٴبىز ٴۇشىن وتە ماڭىزدى. سەبەبى ٴبىز 2،5 جىل بۇرىن قازاقستان ٴۇشىن تۇڭعىش رەلستى اۆتوبۋستى جەتكىزگەن ەدىك. ٴقازىر اۆتوبۋس تۇركىستان-شىمكەنت جولىندا جولاۋشى تاسىمالداۋدا»، - دەدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0