پاۆلودارلىق كاسىپكەر ماسكەۋدەن «باۋىرساق» دۇكەنىن اشتى - قازاقستان ەكونوميكاسى|25 قاڭتار 2016، 14:09
كۋرسى ۆاليۋت وبنوۆليايۋتسيا
استانا:

پاۆلودارلىق كاسىپكەر ماسكەۋدەن «باۋىرساق» دۇكەنىن اشتى

استانا. 25 قاڭتار. baq.kz - «باۋىرساق» دۇكەنى وبلىس ورتالىعىنداعى «ساعىپ» شارۋا قوجالىعىنىڭ باستاماسىمەن اشىلدى. بۇل تۋرالى egemen.kz ٴتىلشىسى حابارلايدى. 

وتكەن جىلى ماسكەۋدە «قازاقستاندىق تاۋارلار مەن ونىمدەر» كورمەسىندە رەسەي نارىعىنا «ساعىپتىڭ» ونىمدەرىن ساتۋ ٴۇشىن ەكى جاقتى مەموراندۋم جاسالعان بولاتىن. ناتيجەسىندە رەسەيلىك نارىققا ٴوز تاۋارلارىن ەكسپورتتاۋ ماقساتىندا اتالعان شارۋا قوجالىق قۇرت جاساۋدى وندىرىستىك جوبالار قاتارىنا ەنگىزدى. قوجالىق باسشىسى تولەۋ قۇشمانوۆانىڭ ايتۋىنشا، ماسكەۋلىكتەر 50 كەلىدەن استام قۇرتقا تاپسىرىس بەرىپتى. قىتايلىقتار دا قۇرتقا، باۋىرساققا سۇرانىس تانىتۋدا. بۇل كۇندەرى شارۋاشىلىق «قازاگرو» ۇلتتىق باسقارۋشى حولدينگى ارقىلى 100 باس مال ساتىپ الىپتى. قىس مەزگىلىندە 20 كەلى اششى جانە ٴتاتتى قۇرت شىعارىلادى. كەلىسى 2 مىڭ تەڭگە.
ايتا كەتەيىك، استانادا دا قوجالىق جاسايتىن ۇلتتىق تاعام ونىمدەرى ساتىلۋدا. جالپى، كاسىپورىننىڭ تاۋلىگىنە 1 توننا، اپتاسىنا 5 توننا قىمىز وندىرۋگە مۇمكىندىگى بار. قىمىز سەحتارىندا 30-عا جۋىق بىلىكتى مامان ەڭبەك ەتۋدە. زاماناۋي قۇرىلعى قىمىزدى 0،3، 0،5 جانە 1 ليترلىك شىنى شولمەكتەرگە قۇيىپ شىعارۋدا. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي