پاۆلودارلىق ٴبىر توننا ەت كونسەرۆىسى ماسكەۋگە ەكسپورتتالدى - قازاقستان ەكونوميكاسى|25 قاڭتار 2016، 12:42
كۋرسى ۆاليۋت وبنوۆليايۋتسيا
استانا:

پاۆلودارلىق ٴبىر توننا ەت كونسەرۆىسى ماسكەۋگە ەكسپورتتالدى

استانا. 25 قازان. baq.kz - ماي اۋدانىنىڭ «ٴاقجار-وندىرىس» جشس ٴبىر توننا بۇقتىرىلعان ەت كونسەرۆىسىن ماسكەۋ قالاسىنا ەكسپورتقا جىبەردى، دەپ حابارلايدى pavlodarnews.kz ٴتىلشىسى.
 

بۇل تۋرالى اگەنتتىككە كاسىپورىننىڭ قارجى ديرەكتورى گۇلزيرا قازىلوۆا ٴمالىم ەتتى. - بۇعان دەيىن كورشى ەلگە جارتى توننا تاۋار جىبەرىلگەن بولاتىن. الداعى ۋاقىتتا رەسەيلىكتەرمەن ساۋدا بايلانىسىن نىعايتا ٴتۇسۋ جوسپاردا بار. ماسكەۋلىك «ميروفارم» جشق كونسەرۆىلەردىڭ ارتۇرلىسىنە تاڭداۋ جاساپ، ٴوز كولىكتەرىمەن الىپ كەتتى. جىلقى ەتىنەن ازىرلەنگەن تاعام – 400 تەڭگەدەن، سيىر ەتىنەن – 380 تەڭگەدەن جانە قوي ەتى كونسەرۆىسى 350 تەڭگەدەن ساتىلدى، - دەيدى گ. قازىلوۆا. قارجى ديرەكتورىنىڭ ايتۋىنشا، بۇگىندە سەحتا تاۋلىگىنە ٴبىر-بىر جارىم توننا كونسەرۆى جاسالادى. سونىمەن قاتار وتاندىق ونىمگە ىشكى نارىقتا دا سۇرانىس جوعارى. ماسەلەن، ماڭعىستاۋ جانە اتىراۋ قالالارىنان دا 10 تونناعا دەيىن ەت كونسەرۆىلەرىنە تاپسىرىس تۇسكەن. دەگەنمەن، تۇتىنۋشىلارعا تاۋار الدىن الا قارجىنىڭ ناقتى ٴبىر بولىگى قولعا تۇسكەننەن كەيىن عانا جونەلتىلمەك.

ەسكە سالا كەتەيىك، ماي اۋدانىنىڭ كوكتوبە اۋىلىنداعى اگروفيرما جىلقىنىڭ «جەبە» جانە قويدىڭ قىلشىق ٴجۇندى تۇقىمىن وسىرەدى. اسىل تۇقىمدى شارۋاشىلىق مارتەبەسىنە يە كاسىپورىن ەشكى ٴوسىرۋدى دە قولعا العان. كونسەرۆىلەنگەن ەتكە ارنالعان شيكىزات وزگەدەن ەمەس، كاسىپورىننان الىنادى. قازىرگى تاڭدا شارۋاشىلىقتا 4200 قوي، 2600 تاۋلى التاي تۇقىمداس ەشكى جانە 1760 جىلقى بار.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي