استانا: 
407 
0
استانا. 17 ناۋرىز. baq.kz - پاۆلودار وبلىسىندا بىلتىرعى جىلى اگروونەركاسىپ كەشەنىن قولداۋعا 12،8 ملرد. تەڭگە بولىنگەن. وسىنداي مەملەكەتتىك قولداۋدىڭ ارقاسىندا ونىمدىلىگى جوعارى تۇقىم سۇرىپتارىن ەگەتىن القاپتاردى 98% ارتتىرۋعا مۇمكىندىك بەرگەن. بۇل تۋرالى وبلىستىڭ اۋىل شارۋاشىلىعى باسقارماسىنىڭ باسشىسى ەرنۇر ايتكەنوۆ حابارلادى.
ە. ايتكەنوۆتىڭ ايتۋىنشا، وتكەن جىلى وسىنداي قولداۋدىڭ ارقاسىندا 2 مىڭ گا القاپتا ىلعال ۇنەمدەۋ تەحنولوگياسىن قولدانۋعا، 35،2 مىڭ گا القاپقا مينەرالدى تىڭايتقىشتار سەبىلگەن.
«مەملەكەت جاعىنان بارلىق جاعدايلار جاسالۋدا – اۋىلشارۋاشىلىق ٴونىمىن شىعارۋعا بيۋدجەتتەن سۋبسيديالار بەرىلۋدە، ٴونىم وڭدىرۋشىلەر سالىق سالۋدان بوساتىلعان. وڭىرلىك جالپى ٴونىمنىڭ 4 پايىزى اگرارلىق سەكتوردا وندىرىلەدى. وڭىردە ٴداندى، مايلى، جارما داقىلدارى مەن باقشا داقىلدارى، كوكونىستەر مولىنان وسىرىلەدى» دەدى ول.
سونىمەن قاتار، سۋارمالى القاپتار 33،6 مىڭ گا ۇلعايدى، ونىڭ ىشىندە وتكەن جىلى 6100 گا ىسكە قوسىلدى. سونداي-اق، ماجىلىسكە قاتىسۋشىلار «قازاگروفينانس» اق، «اگرارلىق نەسيەلىك كورپوراسيا» اق فيليالدارى جۇمىس قورىتىندىلارىن تىڭدادى.
اگروونەركاسىپ كەشەنىنىڭ ينۆەستيسيالار سالۋ ٴۇشىن زور مۇمكىنشىلىكتەرى بار. جىل سايىن جاڭا وندىرىستەردى اشۋعا جانە قولدانىستاعىنى كەڭەيتۋگە باعىتتالعان 30 جۋىق ينۆەستيسيالىق جوبا جۇزەگە اسىرىلادى. سونىمەن قاتار، اۋىلشارۋاشىلىق تاۋار وندىرۋشىلەر ٴوز قاراجاتتار ەسەبىنەن دە جاڭا تەحنولوگيالىق قۇرالدارمەن جابدىقتالۋدا. وسىنىڭ ٴبارى نارىقتى جەرگىلىكتى ٴوندىرىستىڭ ونىمدەرىمەن تولتىرۋعا ٴوز سەپتىگىن تيگىزۋى قاجەت.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0