استانا: 
550 
0
استانا. ماۋسىمنىڭ ٴ28-ى. bnews.kz – ماڭعىستاۋ وبلىسى جاڭاوزەن جۇمىسشىلارىنىڭ ەرەۋىلى سالدارىنان «قازمۇنايگاز» بارلاۋ ٴوندىرۋ» اق «وزەنمۇنايگاز» وندىرىستىك فيليلالىنىڭ مۇناي وندىرۋدەگى جالپى جوسپاردان قالىس قالۋى 150 مىڭ توننانى قۇرادى، دەپ حابارلايدى كومپانيا ٴباسپاسوز قىزمەتى.
«كومپانيانىڭ بولجامى بويىنشا، وزەن كەن ورنىنداعى مۇناي ٴوندىرىسىنىڭ جىلدىق كولەمى جوسپارلاعان دەڭگەيگە جەتپەيدى جانە كەم دەگەندە 600 مىڭ تونناعا از بولادى»، - دەپ ناقتىلانعان حابارلامادا.
«سونىمەن قاتار، كومپانيانىڭ بولجامى بويىنشا، باسقا ٴوندىرۋشى اكتيۆتەردىڭ ەسەبىنەن وتەۋ مۇمكىندىگىن ەسكەرە وتىرىپ، «سپ قازگەرمۇناي» جشس، سسەl («قاراجانباسمۇناي» اق)، «پەتروقازاقستانينك.» جانە «نبك» جشس 2011 جىلعى ۇلەستەرىن ەسەپكە الۋ ناتيجەسىندە ٴوندىرىستىڭ شوعىرلاندىرىلعان كولەمى جوسپارلانعان 13،5 ملن. توننا دەڭگەيىنەن كەمىندە 4%-عا كەم بولادى. اتالمىش بولجام نارازىلىق شاراسىنىڭ سوزىلۋ ۋاقىتى مەن فيليالدىڭ تۇراقتى وندىرىستىك قىزمەتىنىڭ قالپىنا كەلتىرىلۋ جىلدامدىعىنا قاراي قايتا وزگەرىسكە ۇشىراۋى مۇمكىن»، - دەپ ەسكەرىلگەن ٴباسپاسوز حابارلاماسىندا.
http://www.bnews.kz/kk/news/post/53581/
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0