وتكەن اپتادا ەلىمىزدە جەمىس-كوكونىس باعاسى قىمباتتاعان

 استانا. 21 ٴساۋىر. baq.kz – «قازاگروماركەتينگ» اق-نىڭ ەل ايماقتارى بويىنشا ازىق-تۇلىك باعالارىنا جۇرگىزگەن مونيتورينگى 2015 جىلدىڭ 7-14 ٴساۋىرى ارالىعىندا بولشەك ساۋدا باعالارىنىڭ قۇبىلۋىن انىقتادى. سونى ىشىندە اسىرەسە جەمىس-كوكەنىس ونىمدەرى قىمباتتاپ كەتكەن، دەپ حابارلايدى «قازاگروماركەتينگ» اق ٴباسپاسوز قىزمەتى.

 «ٴجۇزىم استانادا 11%-عا 831-دەن 920 تەڭگە/كگ-عا دەيىن قىمباتتادى. بۇعان ٴونىمدى جەتكىزۋ كولەمىنىڭ ازايۋى سەبەپ بولدى، كوتەرمە ساۋدا باعاسى كەرىسىنشە ٴبىر اپتا ىشىندە 5%-عا 670-تەن 636 تەڭگە/كگ-عا دەيىن ارزاندادى. سونداي-اق ماندارين باعالارى دا ٴونىمدى جەتكىزۋ كولەمىنىڭ ازايۋى مەن كوتەرمە ساۋدا باعاسىنىڭ 20%-عا 250-دەن 300 تەڭگە/كگ-عا دەيىن ارتۋى سەبەبىنەن قىمباتتاعان» دەلىنگەن ٴباسپاسوز بايانىندا.
قىزىلشا، ٴسابىز، ورامجاپىراق، قيار ٴتارىزدى كوكەنىس ونىمدەرى ٴنىم قورىنىڭ ازايۋى مەن كوكونىستى ساقتاۋعا كەتكەن شىعىننىڭ ارتۋىنا بايلانىستى ورىن العان ماۋسىمدىق باعا ٴوسىمى نەگىزىندە قىمباتتاعان.

سونىمەن بىرگە، بالىق ونىمدەرى اراسىندا موڭكە اقتوبەدە 14%-عا 250-دەن 285 تەڭگە/كگ-عا دەيىن قىمباتتادى. باعا وسىمىنە كوتەرمە ساۋدا باعاسىنىڭ 5%-عا 190-نان 200 تەڭگە/كگ-عا دەيىن ارتۋى مەن بالىقتى اۋلاۋعا تىيىم سالۋ ماۋسىمىنىڭ باستالۋى سەبەپ بولىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!