استانا: 
715 
0
استانا. 16 ناۋرىز. baq.kz – «ورتالىق» ٴوندىرۋشى كاسىپورنى» جشس («قازاتومونەركاسىپ» ۇاك» اق ەنشىلەس كاسىپورنى) وڭتۇستىك قازاقستان وبلىسىنىڭ سوزاق اۋدانىنداعى «ورتالىق مىڭقۇدىق» كەن ورنىندا 10 مىڭىنشى توننا تابيعي ۋران ٴوندىردى.
كەن ورنىن 2008 جىلدان بەرى يگەرىپ كەلە جاتقان كاسىپورىن ۋران وندىرۋدە قازىرگى زامانعى ەڭ وزىق تەحنولوگيا – جەر استى ۇڭعىمالى شايمالاۋ ٴادىسىن قولدانادى.
«ورتالىق» وك» جشس وندىرىلگەن تابيعي ۋراندى تىكەلەي كەنىشتىڭ وزىندە ەكسپورتتىق ساپاعا دەيىن وڭدەيتىن قازاقستانداعى ەڭ ٴىرى ۋران ٴوندىرۋشى كاسىپورىنداردىڭ ٴبىرى سانالادى.
ٴونىم الىنا باستاعان سوڭعى جەتى جىل ىشىندە كاسىپورىندا وندىرىستىك جوسپارلاردى ورىنداپ، ۇزدىك كورسەتكىشتەرگە قول جەتكىزە بىلگەن جوعارى بىلىكتى ماماندار ۇجىمى قالىپتاستى.
سونداي-اق «ورتالىق» وك – الەۋمەتتىك باعىتى ايقىن كومپانيا. «ورتالىق مىڭقۇدىق» كەنىشىندە ەڭبەك ەتەتىن قىزمەتكەرلەردى جۇمىسقا قابىلداۋ بارىسىندا ٴوڭىر تۇرعىندارىنا باسىمدىق بەرىلەتىندىكتەن كاسىپورىن قىزمەتكەرلەرىنىڭ نەگىزگى بولىگىن سولار قۇرايدى. قازىرگى كەزدە «ورتالىق» وك» جشس-دە 513 قىزمەتكەر بولسا، سونىڭ ٴ382-سى وڭتۇستىك قازاقستان وبلىسىنىڭ تۇرعىندارى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0