وپەك كونفەرەنسياسى مۇناي باعاسىنىڭ كۇرت كوتەرىلۋىنە سەبەپ بولدى

استانا. 9 ماۋسىم. قازاقپارات - 8 ماۋسىمدا ۆەنادا وتكەن  كەزدەسۋدە  وپەك  ەلدەرىنىڭ وكىلدەرى   مۇناي  ٴوندىرۋ  كۆوتاسى  بويىنشا ورتاق  كەلىسىمگە كەلە الماۋىنىڭ  سالدارىنان، نيۋ-يورك جانە  لوندون بيرجالارىندا «قارا التىننىڭ»  باعاسى   تاعى كوتەرىلىپ كەتتى.

 "كەشەگى ساۋدانىڭ  قورىتىندىسى  بويىنشا نيۋ-يورك بيرجاسىندا   light sweet ماركالى  مۇنايدىڭ باعاسى 1،65 دوللارعا  قىمباتتاپ،  100،74 دوللار/باررەلدى  قۇرادى"،  - دەپ  حابارلايدى ربك اگەنتتىگى.

 ال لوندون بيرجاسىندا brent مۇنايىنىڭ باعاسى  1،07 دوللارعا كوتەرىلىپ،   «قارا التىننىڭ» باررەلىنىڭ  باعاسى 117،85  دوللارعا  جەتتى. 

 اقش پرەزيدەنتى باراك وباما،   قاجەت بولعان جاعدايدا،    ەلدىڭ ستراتەگيالىق  مۇناي  قورىنىڭ  پايدالانىلۋ مۇمكىندىگىن  جوققا شىعارمايتىنىن مالىمدەپ  وتىر. 

 وپەك ەلدەرى الەمدەگى   بارلىق مۇناي  قورىنىڭ   شامامەن 40 پايىزىن    وندىرەدى.  ۆەناداعى وتىرىستا     «قارا  التىننىڭ» تاۋلىكتىك  ٴوندىرىسىن،  اعىمداعى جىلدىڭ  ەكىنشى جارتىسىنداعى  كۇتىلىپ  وتىرعان سۇرانىستى   ەسكەرە  وتىرىپ،   30،3   ميلليون  باررەلگە دەيىن    كوتەرۋ  تۋرالى ۇسىنىس     جاسالدى.  ٴبىراق بۇل ۇسىنىسقا    قارتەلگە مۇشە التى  ەل    قارسى  بولدى. 

 كۆوتانى كوتەرۋدى  قولداپ  وتىرعان  ساۋد ارابياسىنىڭ   مۇناي ٴمينيسترى ٴالي ٴال-نايمي،   «وپەك-تىڭ بۇل  كونفەرەنسياسى  كارتەل  تاريحىنداعى  ەڭ ناتيجەسىز    كونفەرەنسيا»     دەپ اتادى.

http://www.inform.kz/kaz/article/2386370

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!