BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴومىر ساپاسى رەيتينگىندە قازاقستان 11 ساتىعا كوتەرىلدى

ۇلىبريتانيانىڭ the legatum institute ساراپتاما ورتالىعى دۇيسەنبى كۇنى جىل سايىنعى the legatum prosperity index ٴتىزىمىن جاريالادى. ٴومىر ساپاسى رەيتينگىندە قازاقستان موڭعوليادان تومەن، كۋۆەيتتەن جوعارى تۇر، دەپ حابارلايدى ۆaq.kz اقپارات اگەنتتىگى.

رەيتينگ ازاماتتاردىڭ ٴوز ەلدەرىنە قاتىستى ساۋالناماعا بەرگەن جاۋاپتارىنىڭ نەگىزىندە جاسالدى. ولار توعىز كريتەريي بويىنشا: ەكونوميكا ساپاسى، ىسكەرلىك، باسقارۋ، ٴبىلىم، دەنساۋلىق ساقتاۋ، قاۋىپسىزدىك، جەكە ەركىندىك، الەۋمەتتىك كاپيتال جانە قورشاعان ورتا جاعدايىنا قاراي پىكىر ٴبىلدىردى.

قازاقستان رەيتينگتەگى 149 ەلدىڭ ىشىندە 72-ورىنعا جايعاستى. مەملەكەتىمىز موڭعوليادان (68-ورىن) تومەن، كۋۆەيتتەن (80-ورىن) جوعارى تۇر.

قازاقستاندا ٴبىلىم جانە ەكونوميكالىق ساپا جاقسارىپ، جەكە ەركىندىك ەسەبى تومەندەگەن. بىلتىرمەن سالىستىرعاندا ەڭ جاقسى وزگەرىس الەۋمەتتىك كاپيتال جاعىنان بولدى. ول 24 ورىنعا كوتەرىلدى، ال جەكە ەركىندىك 6 ورىنعا تومەن ٴتۇستى.

ٴومىر ساپاسى رەيتينگىندە قازاقستان بىلتىرعى 83-ورنىنان 11 ساتىعا جوعارىلادى.

العاشقى وندىقتا نورۆەگيا، جاڭا زەلانديا، فينليانديا، شۆەيساريا، شۆەسيا، نيدەرلاندى، دانيا، كانادا، اۆستراليا ۇلىبريتانيا بار. ال، سوڭىنا بۋرۋندي، انگولا، يراك، كونگو دەموكراتيالىق رەسپۋبليكاسى، ماۆريتانيا، چاد، اۋعانستان، سۋدان، وار جانە يەمەن جايعاستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي