نارىقتىڭ رەسەيلىك ەتپەن تولىعۋى سەبەپتى اقتوبەدە ەت ارزاندادى

 استانا. 4 ٴساۋىر. baq.kz – نارىقتىڭ رەسەيدەن اكەلىنگەن ونىممەن تولىعۋى سەبەپتى اقتوبە ەت ونىمدەرى ارزاندادى. بۇل جونىندە «قازاگروماركەتينگ» اق-نىڭ ەل ايماقتارى بويىنشا ازىق-تۇلىك باعالارىنا جۇرگىزگەن مونيتورينگىسى نەگىزىندە حابارلاپ وتىر.

 «ەت ونىمدەرى بويىنشا اقتوبەدە تاۋىق ەتى 14%-عا 590-نان 510 تەڭگە/كگ-عا دەيىن ارزانداعان. نارىقتىڭ رەسەيدەن اكەلىنگەن ونىممەن قانىعۋى جانە ساتۋشىلاردىڭ كوتەرمە ساۋدا باعالارىن 18%-عا 510-نان 420 تەڭگە/كگ-عا دەيىن ارزانداتۋى ٴونىم باعاسىنىڭ تومەندەۋىنە اكەلدى» دەلىنگەن ٴباسپاسوز بايانىندا.
سونداي-اق، بالىق ونىمدەرى بويىنشا استانادا موڭكە بالىق 15%-عا 325-تەن 375 تەڭگە/كگ-عا دەيىن قىمباتتاعان. ساتۋشىلاردىڭ كوتەرمە ساۋدا باعاسىن 8%-عا 260-تان 280 تەڭگە/كگ-عا قىمباتتاتۋى ٴونىم باعاسىنىڭ وسۋىنە اكەلگەن.
«استانادا شورتان باعاسى 11%-عا 450-دەن 500 تەڭگە/كگ-عا دەيىن قىمباتتادى. ساتۋشىلاردىڭ كوتەرمە ساۋدا باعاسىن 20%-عا 375-تەن 450 تەڭگە/كگ-عا دەيىن قىمباتتاتۋى ٴونىم باعاسىنىڭ وسۋىنە اكەلدى» دەپ حابارلايدى «قازاگروماركەتينگ» اق ٴباسپاسوز قىزمەتى.
سونداي-اق، وزگە ازىق-تۇلىك ونىمدەرىنىڭ باعاسى ايتارلىقتاي 10%-دان ارتىق وزگەرگەن جوق. «قازاگروماركەتينگ» اق اپتا سايىن ٴار سەيسەنبى كۇنى ازىق-تۇلىكتىڭ 66 ٴتۇرى بويىنشا ەلىمىزدىڭ بارلىق وبلىستارىندا جانە استانا، الماتى قالالارىندا باعا مونيتورينگىن جۇرگىزەدى.

ايا ٴومىرتاي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!