استانا: 
575 
0
استانا. 19 اقپان. baq.kz – بۇگىن ٴماجىلىس دەپۋتاتتارى ۇلتتىق ەكونوميكا مينيسترلىگى ماماندارىنىڭ ازىرلەۋىمەن 2015-2019 جىلدارعا ارنالعان الەۋمەتتىك-ەكونوميكالىق دامۋدىڭ ناقتىلانعان بولجامىن تالقىلادى. اتالعان زاڭ جوباسى جايىندا مينيستر ەربولات دوسايەۆ بايانداما جاسادى، - دەپ حابارلايدى baq.kz ٴتىلشىسى.
الداعى ٴتورت جىلدىققا جاسالعان الەۋمەتتىك-ەكونوميكالىق دامۋ بولجامى وتكەن جىلعى ەكونوميكا سالالارى دامۋىنىڭ الدىن-الا دەرەكتەرىن جانە نەگىزگى ەكسپورتتىق تاۋارلارىنا باعالاردىڭ الەمدىك تاۋار نارىعىنداعى اعىمدى جاعدايىن ەسكەرە وتىرىپ ازىرلەندى دەيدى مينيستر.
- 2019 جىلعا قاراي جالپى ىشكى ٴونىمنىڭ ٴوسۋ كورسەتكىشى 4،1 پايىزدى قۇراۋ مۇمكىندىگى بار. بۇل 2015 جىلمەن سالىستىرعاندا 1،5 پايىزعا ارتىق دەڭگەيدە باعالانادى، - دەدى مينيستر.
سونداي-اق، بايانداماشى ٴوز مالىمدەمەسىندە اتالعان مەرزىمدە ورىن الۋى مۇمكىن مۇناي باعاسىنا دا ٴوز بولجامىن جاسادى.
- مۇناي باعاسىن بولجامداۋ دەڭگەيى 2015-2017 جىلدارى باررەلىنە 80 اقش دوللارىنان 50 اقش دوللارىنا دەيىن، ال 2018-2019 جىلدارى باررەلىنە 60 اقش دوللارىنا دەيىن تومەندەيدى دەپ جوسپارلانۋدا، - دەدى ە. دوسايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0