استانا: 
599 
0
استانا. 25 جەلتوقسان. baq.kz – بۇگىن استاناداعى تاۋەلسىزدىك سارايىندا مەملەكەت باسشىسىنىڭ قاتىسۋىسمەن وتكەن «التىن ساپا» جانە «قازاقستاننىڭ ۇزدىك تاۋارى» جۇلدەلەرىن بەرۋ جونىندەگى بايقاۋ جەڭىمپازدارىن ماراپاتتاۋ بارىسىندا نۇرسۇلتان نازاربايەۆ وسىلاي مالىمدەدى، - دەپ حابارلايدى baq.kz ٴتىلشىسى.
- ٴبىز جۋىردا عانا قىتاي حالىق رەسپۋبليكاسىنىڭ جوعارى شەندى جەتەكشىلەرىمەن كەزدەسكەنىمىزدە قازاقستانداعى مەتاللۋرگيا سالاسىن دامىتۋ مەن شيكىزاتتى وڭدەۋ ٴىسىن جانداندىرۋ ماسەلەسى توڭىرەگىندە ناقتى مامىلەلەر جاساعان بولاتىنبىز. وندا كوزدەگەنىمىز سول ەلدىڭ وسى سالاداعى وزىق تەحنولوگيالى ونداعان كومپانيالارىن قازاقستانعا اكەلۋ ارقىلى ەل ەكونوميكاسىنىڭ دامۋىنا ۇلەس قوسۋ. تاپ وسى ماسەلەنى ناقتىلاپ، تاعى دا پىسىقتاي ٴتۇسۋ ٴۇشىن كۇنى ەرتەڭ ينۆەستيسيالار جانە دامۋ ٴمينيسترى اسەت يسەكەشەۆتىڭ جەتەكشىلىگىمەن ٴبىزدىڭ دەلەگاسيامىز ەرتەڭ قىتايعا اتتانادى. بۇل بىزگە پاۆلودارداعى اليۋمينيي ٴوندىرۋ، وڭدەۋ ٴىسىنىڭ ەكىنشى تىنىسىن اشۋىمىز ٴۇشىن قاجەت ەكەنىن ٴتۇسىنۋىمىز كەرەك. ياعني، ونىڭ بۇگىنگى 250 مىڭ توننالىق قۋاتىن 500 مىڭ تونناعا دەيىن جوعارىلاتۋعا مۇددەلىمىز. سول سياقتى رۋدنىي مەن قوستانايداعى جاڭا مەتاللۋرگيالىق زاۋىتتار ٴونىمىنىڭ ساپاسىمەن ٴوز تيىمدىلىگىن كورسەتۋدە. سونىمەن قاتار، تەك مەتاللۋرگيا سالاسىنا باسىمدىق بەرىپ قانا قويماي، بالكىم، مۇناي وڭدەۋ زاۋىتىن قالاي بولعاندا دا سالۋىمىز كەرەك بولار. مىنە، وسىنداي مۇمكىندىكتەردى جۇزەگە اسىرۋىمىز ٴۇشىن كورشى ەلدەرمەن ٴوزارا ىنتىماقتاستىعىمىزدى ساقتاي وتىرىپ، ەكونوميكالىق بايلانىسىمىزدى تەرەڭدەتە تۇسكەنىمىز ٴجون، - دەدى ەلباسى.
ەستەرىڭىزگە سالا كەتەيىك، اتالعان شارا اياسىندا «قازگەرمۇناي» بك» جشس «پارىز» بايقاۋىنىڭ باس جۇلدەسىن جەڭىپ الدى. «قازگەرمۇناي» بك» جشس قازاقستانداعى ەڭ ٴىرى مۇناي ٴوندىرۋ كومپانيالارىنىڭ ٴبىرى بولىپ تابىلادى. ول قىزىلوردا وبلىسىنداعى وڭتۇستىك-تورعاي ويپاتىنىنىڭ اقشابۇلاق، نۇرالى جانە اقساي كەن ورنىندارىندا كومىرسۋتەك شيكى زاتتارىن بارلاۋمەن، قازبالاۋمەن جانە وندىرۋمەن، سونداي-اق ونىڭ ونىمدەرىن ساتۋمەن اينالىسادى.
نۇرلىبەك دوسىباي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0