BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك مەكەمەلەر كەڭسەلەردى جالعا الۋ ٴۇشىن 1،8 ملرد تەڭگە جۇمساعان

استانا، baq.kz ٴتىلشىسى. بيىل 142 مەملەكەتتىك ورگانعا كەڭسەنى جالعا الۋ ٴۇشىن 1،8 ملرد تەڭگە جۇمسالعان. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى مەملەكەتتىك قىزمەت دەپارتامەنتىنىڭ ديرەكتورى يلدار ۋيسۋمبايەۆ ٴمالىم ەتتى.

بريفينگ بارىسىندا ول 2018 جىلى 735 كاسىپكەرگە جەرگىلىكتى اتقارۋشى ورگاندارىنىڭ عيماراتىنداعى 29 مىڭ شارشى مەتر ورىن جالعا بەرىلگەنىن جەتكىزدى.

«ناتيجەسىندە مەملەكەت 178 ملن تەڭگە پايدا تاپقان. الايدا 142 مەملەكەتتىك ورگانعا اۋدانى 52 مىڭ شارشى مەتردى قۇرايتىن كەڭسەنى جالعا الۋ ٴۇشىن 1،8 ملرد تەڭگە جۇمسالعان»، - دەدى ۋيسۋمبايەۆ استاناداعى ۇلتتىق بيۋرو عيماراتىندا وتكەن بريفينگتە.

سونىمەن قاتار دەپارتامەنت ديرەكتورى مەملەكەتتىڭ مەكەمەلەر كەڭسەلەردەگى ورىندارى دۇرىس پايدالانبايتىنىن جەتكىزدى. ونىڭ ايتۋىنشا، مەملەكەتتىك اپپاراتتى ورنالاستىرۋدىڭ بەكىتىلگەن ارنايى ەرەجەسى مەن نورماسى بار.

«ياعني باسشىنىڭ كابينەتى 20 شارشى مەتردەن، قابىلداۋ بولمەسى 10 شارشى مەتردەن اسپاۋى قاجەت. ال ٴاربىر مەملەكەتتىك قىزمەتكەردىڭ ورنى 7 شارشى مەتر بولۋى شارت. تەكسەرىس ناتيجەسىندە قازاقستان بويىنشا (مەملەكەتتىك ورگاندار – اۆتور) 382 مىڭ شارشى مەتر اۋماقتى ارتىق پايدالانعانى انىقتالدى. بۇل اۋماقتى ٴتيىمدى پايدالانۋعا بولادى. ياعني 382 مىڭ شارشى مەتردى ويتايلاندىرۋعا نەمەسە 163 مىڭ شارشى مەتردى قىسقارتۋ كەرەك. ەگەر (مەملەكەتتىك ورگاندار وتىرعان – اۆتور) اۋماقتى وڭتايلاندىرساق، جىل سايىن 1 ملرد تەڭگەنى ۇنەمدەۋگە بولادى»، - دەدى يلدار ۋيسۋمبايەۆ بريفينگتەن سوڭ.

وسى ورايدا ول رەسپۋبليكا بويىنشا 7،5 مىڭ مەملەكەتتىك مەكەمەگە ينۆەنتاريزاسيا جۇرگىزىلگەنىن، ناتيجەسىندە الماتى، تۇركىستان، پاۆلودار وبلىستارى جانە شىعىس قازاقستان وبلىسىنداعى مەملەكەتتىك ورگاندار وزدەرىنە تيەسىلى اۋماقتى دۇرىس پايدالانباعانى انىقتالعانىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي