BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك شىعىستاردىڭ تيىمدىلىگىن ارتتىرۋ – باستى مىندەت

مانسۇر حاميت (فوتو) قارجى مينيسترلىگىنىڭ الدىندا تۇرعان نەگىزگى مىندەت – مەملەكەتتىك شىعىستاردىڭ تيىمدىلىگىن ارتتىرىپ، ىسىراپشىلدىقتى قىسقارتۋ. كەشە قارجى مينيسترلىگىندە وتكەن القا ماجىلىسىندە مينيستر بولات جامىشەۆتىڭ دە، پرەمەر-مينيستر كارىم ٴماسىموۆتىڭ دە ەكپىن تۇسىرە ەسكەرتكەن ماسەلەسى وسى بولدى. ماسەلەن، بيۋدجەتتىك ينۆەستيسيالىق جوبالاردى ىسكە اسىرۋ بويىنشا شىعىنداردىڭ ارتقانى بايقالعان. باستاپقىدا 1 990،6 ميلليارد تەڭگەگە ەسەپتەلگەن ينۆەستيسيالىق جوبالار ساراپتاي كەلگەندە، جوباعا قاتىستى كەرەك-جاراقتاردىڭ قىمباتتاۋىنا بايلانىستى شىعىستار باستاپقى قۇنىنان 9،1 پايىزعا ارتىپ كەتكەن.
Мансұр ХАМИТ (фото) سوندىقتان دا مينيسترلىك بيۋدجەتتىك ين­ۆەستيسيالىق جوبالاردىڭ قىم­بات­تاۋىنا جول بەرمەس ٴۇشىن تەحنيكالىق-ەكو­نوميكالىق نەگىزدەمەگە قوسا، جوبالاۋ-سمە­تالىق قۇجاتتامانى دا تالاپ ەتۋدى ۇسى­نىپ وتىر. جالپى العاندا، ۇكىمەت باسشىسىنىڭ اي­تۋىنشا، مەملەكەتتىك شىعىستاردىڭ تيىم­دىلىگىن ارتتىرۋ ماسەلەسى كولەڭكەدە قا­لىپ قويۋدا. سول سەبەپتى دە پرەمەر بو­لات بيداحمەت ۇلىنا بۇل ماسەلەنى الدىڭعى شەپكە شىعارۋدى ۇسىندى. «داعدارىستان شىقتىق، جاقسى جەتىستىكتەرگە دە جەتىپ جا­تىر­مىز. دامۋدىڭ جاڭا ساتىسىنا دا كو­تە­رىلدىك، الايدا مەملەكەتتىك شىعىس­تار­دىڭ تيىمدىلىگىن ارتتىرۋ ماسەلەسى ٴبىرىنشى كە­زەكتە، ەرەكشە نازاردا تۇرۋى كەرەك. سون­دىقتان، بولات بيداحمەت ۇلى، بۇل اي­رىق­شا باقىلاۋدا بولۋى ٴتيىس. مەملەكەتتىك شى­عىس­تاردىڭ تيىمدىلىگىن ارتتىرۋدى بۇعان دە­يىن ايتىپ كەلگەنىمىزبەن، ماقتانارلىق جە­تىستىگىمىز جوق»، – دەيدى كارىم قا­جىم­قان ۇلى. سونداي-اق ول مەملەكەتتىك شى­عىس­­تارعا كەشەندى باعا بەرۋدى قولعا الۋ قا­­جەتتىگىن ەسكەرتتى. «ماسەلەنى باعالاۋ ادىس­تەمەسىنەن باستاۋ كەرەك. ادىستەمەنى كەڭەسكە سالۋعا دايىنداپ اكەلىڭىزدەر. سىرت­قى ساراپشىلاردى تارتاسىزدار ما، وزدەرىڭىز بىلىڭىزدەر»، – دەپ تاپسىردى پرەمەر. مينيستر سونداي-اق بيۋدجەتتىڭ اشىق­تى­عىنا دا نازار اۋداردى. سويتسەك، ەلىمىز حا­لىقارالىق رەيتينگتە بيۋدجەتتىڭ اشىق­تىعى بويىنشا تومەنگى كورسەتكىشتەردەن ورىن العان ەكەن. ونىڭ ايتۋىنشا، بۇل ٴۇشىن ارنايى زاڭ قابىلداۋدىڭ قاجەتى جوق، بار بولعانى بيۋدجەتتىڭ اتقارىلۋى جا­يىندا قوعامعا قاجەتتى اقپاراتتىڭ بار­لىعىن ۋاقىتىندا جاريا ەتىپ وتىرۋ. حا­لىقارالىق تاجىريبەدە بۇل ٴادىس «ازا­ماتتىق بيۋدجەت» دەپ اتالادى ەكەن. سالىق كوميتەتى بۇل جاعىنان ۇقىپتىلىق تانىتىپ، سالىقتىق تۇسىمدەردى جاريالاپ جاتقان كورىنەدى. الداعى ۋاقىتتا ٴتىپتى زاڭدى تۇل­عالاردان دا تۇسەتىن سالىقتىق تولەمدەردى جا­ريا ەتپەك. بۇل اقپاراتتار سالىقتىق قۇپياعا جاتپايدى ەكەن. وسى جەردە اتاپ كەتۋ كەرەك، پرەمەر-مينيستر تابىستى دە­كلا­راسيالاۋ ماسەلەسىن دە قولعا الۋ كەرەكتىگىن ايتتى. «پرەزيدەنت ايتقانداي، جاپپاي (تابىستى) دەكلاراسيالاۋ ماسەلەسى – بۇل جەمقورلىقپەن كۇرەستىڭ نەگىزگى ەلەمەنتتەرىنىڭ ٴبىرى. جەمقورلىقپەن كۇرەس ٴدال وسى جاپپاي دەكلاراسيالاۋمەن تىكە­لەي بايلانىستى. سۇراۋ بارلىق جاعىنان دا ايتارلىقتاي قاتاڭ بولادى. سوندىقتان، بولات بيداحمەت ۇلى، سوزىپ الماڭىزدار»، – دەدى ك.ٴماسىموۆ. جالپى، ۇكىمەت باسشىسى قوعاممەن تى­عىز بايلانىسۋ قاجەتتىگىن ەسكەرتتى. ولار­دىڭ ساۋالدارى دا جاۋاپسىز قالماۋ قا­جەتتىگىن اتاپ ٴوتتى. وسى ماقساتتا ەستەرىڭىزدە بولسا، ەكى جىل بۇرىن كارىم ٴماسىموۆ بار­لىق ۇكىمەت مۇشەلەرىنە بلوگ اشۋدى بۇ­يىر­عان بولاتىن. بۇل جولى دا سول بلوگ­تار­داعى ٴاربىر سۇراقتىڭ يەسى جاۋاپسىز قال­ماۋىن تاپسىردى. ول ٴوزىنىڭ بلوگىنا قار­جى مينيسترلىگىنە قاتىستى سۇراقتار­دىڭ ٴجيى قويىلاتىنىن ايتىپ، سول سۇراق­تار­دى بولات جامىشەۆتىڭ قولىنا ۇستاتتى. مي­نيسترگە كەدەن وداعىنىڭ جۇمىسىنا، مەم­­لەكەتتىك ساتىپ الۋلار، سالىق سالۋ جا­نە باسقا دا شارالار اياسىندا قامتىلعان سا­ۋالدارعا جاۋاپ بەرۋدى جۇكتەدى. اۆتور: سالتان ساكەن http://www.alashainasy.kz/politics/18173/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي