BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مامىتبەكوۆ: ورگانيكالىق اۋىل شارۋاشىلىعى ونىمدەرىن ٴوندىرۋ ماڭىزدى

فوتو: Forbes.kz

استانا، baq.kz ٴتىلشىسى. اۋىل شارۋاشىلىعى مينيسترلىگىنىڭ جاۋاپتى حاتشىسى اسىلجان مامىتبەكوۆ ەلىمىز ٴۇشىن ورگانيكالىق اۋىل شارۋاشىلىعى ونىمدەرىن ٴوندىرۋ ماڭىزدى ەكەنىن ٴمالىم ەتتى.

ونىڭ ايتۋىنشا، قازىرگى تاڭدا قازاقستان اگروونەركاسىپ كەشەنىندەگى ەكسپورتتىق الەۋەتىن ارتتىرىپ كەلەدى.

«جەر كولەمى بويىنشا قازاقستان الەمدە 9-ورىندا. سونداي-اق ەلىمىز اۋىل شارۋاشىلىعى ٴۇشىن ماڭىزدى بولىپ سانالاتىن جەر رەسۋرستارىنا باي. الەمدە ساپالى جانە ەكولوگيالىق تازا ونىمدەرگە باسا ٴمان بەرىلىپ وتىرعاندىقتان ەلىمىز ٴۇشىن ورگانيكالىق اۋىل شارۋاشىلىعى بولاشاعى زور سالالاردىڭ قاتارىندا»، - دەدى جاۋاپتى حاتشى qazaq organic food كونفەرەسياسىندا.

وسى ورايدا ول ەلباسى نۇرسۇلتان نازاربايەۆتىڭ «قازاقستان-2050» ستراتەگياسى قالىپتاسقان مەملەكەتتىڭ جاڭا ساياسي باعىتى» اتتى جولداۋىندا اۋىل شارۋاشىلىعى سالاسىندا باسەكەگە قابىلەتتى برەندتەردى قۇرۋدى مىندەتى قويىلعانىن ايتتى.

«مۇندا ەكولوگيالىق تازا ونىمدەرگە باسا ٴمان بەرۋ قاجەت ەكەنى اتاپ ٴوتىلىپ، قازاقستاننىڭ الەمدەگى ەكولوگيالىق تازا ٴونىم وندىرۋشىلەردىڭ قاتارىنا قوسىلۋ قاجەتتىگى ايتىلدى. اتالعان سالا رەسپۋبليكامىز ٴۇشىن جاڭا سالا بولىپ سانالادى. سوندىقتان فەرمەرلەر اتالعان سالانىڭ ماڭىزىن ٴتۇسىنۋى قاجەت.

سوندىقتان ورگانيكالىق ونىمدەردى ٴوندىرۋدى دامىتۋ ٴۇشىن اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان باعدارلاماسىندا سوفت-وفيس اشۋ كوزدەلگەن»، - دەدى ول.

اسىلجان مامىتبەكوۆ اتالعان باعدارلاما اۋىل شارۋاشىلىعى ونىمدەرىن وندىرۋشىلەردىڭ اتالعان سالادان مالىمەتتى كوپتەپ الۋعا، مامانداردى دايىنداۋعا، باقىلاۋ جانە سەرتيفيكاتتاۋدى ساپالى جۇرگىزۋگە مۇمكىندىك بەرەتىنىن ٴمالىم ەتتى.

سونىمەن قاتار جاۋاپتى حاتشى ەلىمىزدە qazaq organic food برەندى بار ەكەنىن حابارلادى. ونىڭ پىكىرىنشە، اتالعان سالانى حالىقارالىق تالاپتار بويىنشا رەتتەۋ قاجەت.

«سوندىقتان باسىمدىققا يە نارىقتارعا تاۋار شىعارۋ ماڭىزدى. ەگەر ونىمدەرگە قويىلاتىن سەرتيفيكاتتاۋ تالابى حالىقارالىق ەرەجەلەرگە ساي كەلمەسە، يمپورتتاۋشى ەلدەر ولاردى مويىنداماسا، ٴونىم ٴوز ماڭىزىن جوعالتادى. سەبەبى، ەڭ ماڭىزدىسى ەكسپورتتىق الەۋەتتى ارتتىرۋ. ەلىمىزدە ەت پەن ٴسۇتتىڭ باسىم بولىگى ەكولوگيالىق تازا ٴونىم بولىپ سانالادى. ەكسپورتتىق الەۋەتىمىز ورگانيكالىق ونىمدەرمەن تىعىز بايلانىستى. باسەكەگە يە نارىقتارعا ورگانيكالىق ونىمدەردى شىعارا الامىز»، - دەدى ول.

جاۋاپتى حاتشى بۇل ماسەلەدە قازاقستانعا حالىقارالىق دەڭگەيدە مويىندالعان سەرتيفيكاتتاۋ ۇيىمدارىن تارتۋ ماڭىزدى ەكەنىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي