قر ۇكپ «ۇلتتىق چەمپيون» كومپانيالار ٴتىزىمىن جاريالادى

استانا. 16 ٴساۋىر. baq.kz - قر ۇلتتىق كاسىپكەرلەر پالاتاسىنىڭ باسەكەگە قابىلەتتىلىك جونىندەگى كەڭەسى ەكونوميكانىڭ ونەركاسىپ ٴوندىرىسى، اۋىل شارۋاشىلىعى، مۇنايگاز قىزمەتى، كولىك جانە لوگيستيكا، ەنەرگەتيكا، بانكتىك ەمەس قارجى، تاعام ونەركاسىبى، بولشەك ساۋدا، تەحنولوگيا، مەديا جانە تەلەكوممۋنيكاسيا سەكىلدى توعىز ماڭىزدى سالاسىنداعى ۇلتتىق چەمپيوندار - باسەكەگە قابىلەتتى كومپانيالار ٴتىزىمىن جاريالادى.

ۇلتتىق چەمپيونداردى ىرىكتەۋدى «ەكسپەرت را قازاقستان» رەيتينگ اگەنتتىگىنىڭ ستاتيستيكالىق جانە تالداۋ مالىمەتتەرى نەگىزىندە ساپا بەلگىلەرى بويىنشا قازاقستان سالىق تولەۋشىلەر قاۋىمداستىعىنىڭ ٴتورايىمى جاننات ەرتىلەسوۆا جەتەكشىلىك ەتكەن ساراپشىلار توبىنىڭ مۇشەلەرى جۇزەگە اسىردى.

چەمپيونداردى ىرىكتەۋدە ساراپشىلار كومپانيانىڭ كوشباسشىلىق، جوعارى نارىقتىق بەدەل مەن ىشكى ينفراقۇرىلىمنىڭ ولشەمدەرىن باسشىلىققا الدى.

ەكونوميكانىڭ بەلگىلى ٴبىر سالالارىندا قارقىندى دامىپ وتىرعان ورتا كومپانيالارعا باعىتتالعان بايقاۋدىڭ قورىتىندىسى بويىنشا «سەسنا-استىق» كونسەرنى، «رودينا» اگروفيرماسى، «سەنتراس» توبى، kazmicrofinance، ورتالىق ازيالىق ەلەكتر قۋاتى كورپوراسياسى، rg brands، alina pro، ksp steel، «تاڭ مەديا» حولدينگى، لوگيكوم، «استانا گرۋپپ» حولدينگى، magnum cash&carry، «تەحنودوم» كومپانياسى، globalink جانە التىن-قىران ۇلتتىق چەمپيون كومپانيالار تىزىمىنە ەندى.

قازاقستاندىق ۇلتتىق چەمپيونداردى انىقتاۋ كەزىندە كوزدەلگەن نەگىزگى ماقسات ۇلتتىق چەمپيوندار – باسەكەگە قابىلەتتىلىكتى ىلگەرىلەتۋشى كومپانيالاردىڭ تاجىريبەسى مەن ۇلگىلەرىن زەرتتەۋ مەن تاراتۋ بولىپ تابىلادى. وسىنىڭ اياسىندا كاسىبي بىلىكتىلىك پەن نوۋ-حاۋدى تاراتۋ ٴۇشىن قۇزىرەتتىك ارالىقتارىن قۇرۋ، شەتەلدىك ينۆەستيسيا مەن تەحنولوگيالاردى تارتۋ ٴۇشىن چەمپيوندار ساراپتامالارىن پايدالانۋ، نارىقتىق باستامالاردى جۇزەگە اسىرۋ جانە نارىقتىق ينستيتۋتتار قۇرۋ ٴۇشىن چەمپيونداردىڭ تاجىريبەسى مەن رەسۋرستارىن پايدالانۋ جوسپارلانعان.

بۇل كومپانيالار بازالىق قۇرىلۋ كەزەڭىنەن وتكەنىن، دامىعان ىشكى ينفراقۇرىلىمىن قۇرعانىن، بىلىكتى كادرلاردىڭ ىشكى قالىپتاسۋ قابىلەتىنە يە ەكەنىن، نارىقتىق تۇرعىدان تانىلعانىن جانە تۇتىنۋشىلارمەن تىعىز بايلانىس جۇرگىزەتىنىن اتاپ ٴوتۋ قاجەت.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!