قر يدم قحر-عا ەكسپورت ۇسىنىپ، قىتاي ينۆەستيسياسىن ەلگە تارتادى - قازاقستان ەكونوميكاسى|24 قاڭتار 2016، 15:06
كۋرسى ۆاليۋت وبنوۆليايۋتسيا
استانا:

قر يدم قحر-عا ەكسپورت ۇسىنىپ، قىتاي ينۆەستيسياسىن ەلگە تارتادى

استانا. 24 قاڭتار. baq.kz - قر ينۆەستسيالار جانە دامۋ ٴمينيسترى اسەت يسەكەشەۆ باستاعان قازاقستاندىق دەلەگاسيا 2016 جىلدىڭ 25-28 قاڭتارى ارالىعىندا جۇمىس ساپارىمەن قىتايعا بارادى، دەپ حابارلايدى قر يدم باسپاسوز-قىزمەتى. 

پەكيندە قحر رەفورمالار جانە دامۋ جونىندەگى مەملەكەتتىك كوميتەتىمەن بىرلەسكەن يندۋستريالاندىرۋ جانە ينۆەستيسيا سالاسىنداعى ىنتىماقتاستىق بويىنشا ٴ8-شى قازاقستان-قىتاي وتىرىسى وتەدى.

كەزدەسۋ بارىسىندا 2016 جىلى جۇزەگە اسىرىلاتىن (52 بىرلەسكەن جوبا) جوبالاردى قارجىلاندىرۋ ماسەلەلەرى قارالىپ، سونداي-اق تاراپتار جاڭا جوبالاردى تالقىلايدى. اڭگىمە قىتاي كومپانيالارىنىڭ ەكسپورتقا باعىتتالعان قوسىلعان قۇنى جوعارى ونىمدەر ٴوندىرىسىن ينۆەستيسيالاۋ تۋرالى بولىپ وتىر: اۆتوكولىكتەر، جۇك تەحنيكالارى، وسىمدىك مايى ٴوندىرىسى، تومات پاستاسى، كاليي تىڭايتقىشى، ٴارتۇرلى قۇبىرلار جانە ت.ب.

سونىمەن بىرگە، تۋريزمگە قاتىستى جوبالار جانە عىلىم مەن يننوۆاسيا سالاسىنداعى ىنتىماقتاستىق ماسەلەلەرى تالقىلانادى.

ساپار اياسىندا دامۋ جانە رەفورمالار جونىندەگى مەملەكەتتىك كوميتەتى، ونەركاسىپ جانە اقپاراتتىق تەحنولوگيالار مينيسترلىگى، قىتاي ينجينيرينگ اكادەمياسى، ونەركاسىپتىڭ دامۋىن زەرتتەۋ ينستيتۋتى باسشىلارىمەن، سونداي-اق، قىتايدىڭ 20-دان اسا كومپانياسىمەن، ونىڭ ىشىندە alibaba، huawei، inspur، xiaomi، lenovo، netease سياقتى الپاۋىتتارمەن جانە جىبەك جولى قورىمەن كەزدەسۋلەر جوسپارلانعان 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي