كورەيالىق جۇردەك كولىك قوستانايدان شىعادى

قوستانايعا پرەمەر-مي­نيس­تر­­ٴدىڭ ورىنباسارى – يندۋستريا جانە جاڭا تەحنولوگيالار ٴمينيسترى اسەت يسەكەشەۆ كەلدى. ۆيسە-مينيستر الدىمەن «اگروماشحولدينگ» اكسيونەرلىك قوعامىندا بو­لىپ، «ssang yong» جۇردەك جەڭىل ماشيناسىن قۇراستىرۋ سەحىن ارالاپ كوردى. وتكەن جىلدان باستاپ كاسىپورىن «allur auto» اۆتوموبيلدەر كومپانياسى توبىمەن بىرىگىپ، «ssang yong» جۇردەك ماشيناسىن قۇراستىرۋ جوباسىن جۇزەگە اسىرۋ ٴۇشىن يندۋستريا­لىق-يننوۆاسيالىق دامۋ مەملەكەتتىك باعدارلاماسىنا قوسىلعان بولاتىن. زاۋىتتا ٴقازىر كورەيالىق جۇردەك ماشينانىڭ ەڭ قولايلى جانە جەتىلدىرىلگەن «ssang yong new actyon» مودەلى قۇراس­تى­رى­لىپ، تۇتىنۋشىعا جول تارتتى.

– وڭتۇستىك كورەيا مەن قازاق­ستان پرەزيدەنتتەرى اراسىنداعى كەلىسىم بويىنشا باستالعان جوبا ٴبىر جىل ىشىندە جۇزەگە استى. كو­رەيا­لىق ماشينالاردى قۇراستىرۋ بارىسىندا ونىڭ وزىمىزدە جاسا­لاتىن قۇرامىن 60 پايىزعا دەيىن جەتكىزىپ، 350 ادامعا جۇمىس بەرۋدى باستى ماقسات تۇتىپ وتىرمىز. الداعى ۋاقىتتا بۇل ماشينانى قازاقستاننان تىس جەرلەرگە شى­عا­رۋدى كوزدەيمىز، – دەدى اسەت يسەكەشەۆ.

«اگروماشحولدينگتە» قۇراس­تىرىلعان «ssang yong» جۇردەك ماشيناسى ەلىمىزدەگى دەنساۋلىق ساقتاۋ سالاسى، جول پوليسياسى مەن ٴورت سوندىرۋشىلەرگە ارنالىپ بەيىمدەلىپ شىعارىلدى. ونىڭ العاشقىلارىن زاۋىت سۇرانىس بەرۋشىلەرگە ارناپ قۇراستىردى. كون­ۆەيەردەن شىققان كولىك كو­رەيالىق مامانداردىڭ التى تەكسەرۋ بەكەتىنەن وتەدى.

– قوستانايدان شىققان ٴجۇر­دەك كولىككە تەك قازاقستاننان ەمەس، كەدەن وداعى ەلدەرىنەن دە سۇ­را­نىستىڭ بولاتىنىن بايقاي­مىز. ساپاسى جوعارى بولا تۇرا، ولار كورەيادا قۇراستىرىلعان ماشينالاردان ون مىڭ اقش دوللارىنا ارزان، – دەيدى «allur auto» اۆتوموبيلدەر كومپانياسىنىڭ باس دي­رەك­تورى اندرەي لاۆرەنتەۆ. كو­رەيا­لىق «ssang yong» كورپورا­سيا­سىنىڭ ۆيسە-پرەزيدەنتى ليم مىرزا دا ماشينانىڭ قوستاناي­لىق ۇلگى­ٴسىنىڭ ساپاسىنا كوڭىلى تو­لاتىنىن مالىمدەدى. ول الداعى ۋا­قىتتا ٴجۇر­دەك ماشينانىڭ قا­زاق­ستانعا لاي­ىقتالىپ جاسالعان جاڭا مودەلىن شىعارۋدى جوسپارلاپ وتىر­عا­نىن ايتتى. ول قا­زاق­ستاندىق ٴارىپ­تەستەرمەن بىرلەسىپ جۇمىس ىستەگەندە ونىڭ تەزىرەك تۇتىنۋشىعا جەتەرىنە سەنىمى مول ەكەنىن جەتكىزدى.

«اگروماشحولدينگتىڭ» «ssang yong» جۇردەك ماشيناسى قۇراس­تى­رىلىپ جاتقان سەحى جانىندا رەسەيلىك «سوللەرس» اۆتوموبيل توبىمەن بىرلەسىپ جۇزەگە اسى­را­تىن جاڭا جوبا قانات جاياتىن بو­لادى. ونىڭ ۇستىنە الداعى كۇزگە تامان مۇندا «ۋاز» جول تاڭ­دا­مايتىن جۇردەك ماشيناسى دا قۇراستىرىل­ماق. ال ونداي كولىك قازاقستاندا اسكەر، ىشكى ىستەر، اۋىل شارۋاشى­لىعى، توتەنشە جاعدايلار سالا­لارىندا سۇرانىسقا يە ەكەن.

«اگروماشحولدينگتە» وتكەن جىل­دىڭ جارتىسىنان باستاپ كو­رەيا­لىق ماشينانىڭ 400-گە جۋى­عى قۇراستىرىلدى. ونىڭ باسىم كوپشىلىگى قازاقستاندىق تۇتى­نۋ­شى­نىڭ قولىنا ٴتيدى. بيىل جىل باسىنان باستاپ مۇندا ايىنا 144 ما­شينا دايىن بولادى. جىل ايا­عىنا دەيىن 1200-1300 ماشينانى ساپقا قويۋ باستى مەجە بولىپ وتىر.

ٴا.يسەكەشوۆ وسى ساپارىندا قوستانايداعى «يۆولگا حولدينگ» ٴجشس-نىڭ جىلىنا 70 مىڭ توننا ۇن شىعاراتىن ديىرمەن كەشەنىنە جانە «كوستانايسكيي مەلكومبينات» اكسيونەرلىك قوعامىنىڭ ماكارون فابريكاسىنا باردى. وندا وتكەن جىلى ىسكە قوسىلعان ينۆەس­تيسيالىق جوبالاردىڭ قالىپتى جۇمىس ىستەپ تۇرعانىنان حاباردار بولدى. وبلىس اكىمى سەرگەي كۋلاگين ۇستىمىزدەگى جىلى وب­لىس­تا ٴجۇ­گەزە اساتىن ينۆەستيسيالىق جوبا­لار­دىڭ قىرىققا جەتكەنىن ايتتى. ولار ٴوندىرىس پەن اۋىل­شا­رۋاشى­لىعىن ۇدەمەلى دامىتاتىن بولادى.

ٴنازيرا جارىمبەتوۆا.

قوستاناي.

http://www.egemen.kz/306027.html

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!