BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قولىنا قۇس «قوندىرعان» كاسىپكەر

دانا حالقىمىز قاشاندا ۇتىمدى سوز­دەن ۇتىلماعان. ماسەلەن، «قۇس باعۋ دا ٴبىر قىزىق، قۇس سالۋ دا ٴبىر قىزىق» دەيدى. بۇ­عان بودەنە باعىپ، ودان كۇنكورىسىن اجى­راتقان جانداردى كورگەندە كوز جەتتى. قوعامعا بەرىك ەنگەن نارىقتىق قاتىناس كىمنىڭ بولسا دا جىگەرىن جانىدى، ەڭبەككە دەگەن قۇلشىنىسىن ارتتىردى. ويتكەنى، يەن دالانى مەكەندەپ، تاۋ مەن تاستا جۇرەتىن قۇس ەكەش، قۇستى دا قولعا قوندىرعان، تا­بى­سىنىڭ، كۇنكورىسىنىڭ كوزىنە اينالدىر­عان جامبىل اۋدانى، ۇزىناعاش اۋىلىن­داعى سەرگەي فەدوروۆيچ كوۆالەۆتىڭ بالا جۇدىرىعىنداي بودەنە باعىپ، قىر­عاۋىلدى قولعا ۇيرەتكەنى ٴبىر عانيبەت.
بۇرىن قۇرىلىس سالاسىنىڭ مامانى سەرگەي توقسانىنشى جىلدارداعى جەكەشەلەندىرۋ، جاپپاي قىسقارتۋ كەزىندە العاش ابدىراپ قالعان ەكەن. وتباسىن اسىراۋ ٴۇشىن جۇمىس ىزدەۋگە ٴماجبۇر بولىپتى. وسى­لايشا 2001 جىلى بىشكەكتەن بودە­نەنىڭ جۇمىرتقالارىن اكەلىپ، ينكۋباتوردان بالاپان شىعارادى. العاشىندا بىلمەگەن ٴىستىڭ وي-شۇقىرى كوپ بولىپ، بالاپانداردى كوبەيتۋ قيىن­دىق تۋعىزادى. قۇس ٴوسىرۋ جونىندەگى عىلى­مي كى­تاپتاردى پاراقتاپ، قورەكتەندىرۋ جولدا­رىن، ەمدەۋ شارالارىن ۇيرەنۋىنە تۋرا كەلگەن. كاسىپكەردىڭ جۇمىس ورنىنا كەلگەنىمىزدە زايىبى تاتيانا ۆيكتوروۆنا ۇيرەك-قاز، تاۋىق پەن تۇيەقۇسقا، قىرعاۋىلعا جەم بەرىپ، شارۋاسىن جالعاستىرۋ ۇستىندە ەكەن. ادام جاتىرقامايتىن مىنەزىمەن جادىراي قارسى الدى. شارۋا جايىن سۇراعانىمىزدا ونىڭ بار سىرىن جۇبايى سەرگەي فەدوروۆيچ بىلەتىنىن ايتتى. سەرگەي دە شەشىلە سويلەدى. – اكەم مەن انام ەڭبەكقور بولدى. اعايىندى ۇشەۋمىزدى ەڭبەككە باۋلىدى. ال­عاش ٴۇي سالدىق، قۇرىلىستىڭ سىرىنا قانىقتىق. اكەم سوعىس ارداگەرى،  مال ۇس­تاي­تىن، قويان، نۋتري وسىرەتىن. ولاردىڭ تەرىسىنەن باس كيىم تىگىپ، اۋىلداعى بازاردا ساۋدالايتىن. قولىنان شىققان باس كيىمدەردى اۋىلدا الماعان جان جوق دەسەم دە بولادى. اكەمنىڭ جۇمىسسىز وتىرعان كەزى بولعان ەمەس. ٴبىزدى دە وسىعان ۇيرەتتى. ايەلدەرىمىز دە اقكوڭىل، ەڭبەكقور بولىپ كەزدەستى، – دەيدى سەرگەي. سودان بولار اكە شاڭىراعىنان الىستا­ماي ٴبارى جاپسارلاسا ٴۇي سالعان. قۇرىلىس جۇمىسى سايابىرسىعان سول جىلدارى وزىنە تانىس كاسىپتى جالعاستىرعان. العاشقى ۇيىم­داس­تىرۋ بارىسىندا كوپ قيىنشى­لىققا كەزدەسىپتى. بودەنەنىڭ جەمىن تابۋ قيىنعا تۇسكەن. وعان تاۋىق پەن قازعا ارنالعان قوس­پاجەم جارامايتىن بولىپ شى­عادى. ٴوندىرىستىڭ ماقساتى جۇ­مىرتقا ٴوندىرۋ بولعاندىقتان ون ەكى ٴتۇرلى قوسپادان تۇراتىن جەم قاجەت. ولاي بولماعاندا ول تولىققاندى جۇمىرتقا دەپ تا­نىل­مايدى. وسىلايشا سەرگەيدىڭ ساپالى جەم ىزدەپ، ىزدەنۋىنە، قۇس ٴوسىرۋدىڭ زووتەحنيكالىق تالاپ­تارىنا جۇگىنۋىنە تۋرا كەلگەن. بودەنە جۇمىرتقاسى كىشكەنتاي بولعا­نىمەن دارۋمەندەرگە باي، جۇعىمدى. وندا امين قىشقىلى، ميكروەلەمەنتتەر جەتكىلىكتى بولعاندىقتان اسقازاننىڭ، ىشەكتىڭ جۇمىسىن جاقسارتاتىن قاسيەتتەرى مول. سونىمەن قاتار ادام جۇرەگى مەن اعزا­سىنداعى تەمىر، راديونۋكليدتەردى شىعا­رىپ، يممۋنيتەتتى كۇشەيتەتىن اسەرى بار. سوندىقتان دا سوڭعى كەزدەرى  بودەنە جۇ­مىرتقاسىنا دەگەن تۇتىنۋشى سۇرانى­سى وسە تۇسكەن. ارنايى پاراقشالاردا بودەنە­نىڭ ٴبۇلدىرشىن جۇدىرىعىنداي جۇمىرتقا­سىنىڭ وزگە قۇس جۇمىرتقالارىنان ەرەكشەلىگى دارۋمەندەرگە ٴۇش ەسە باي، ٴارى پايدالى ەكەندىگى جازىلعان. سونىمەن قاتار تاۋىق جۇمىرتقاسىنان قۋاتتىلىعى ەداۋىر كوپ سانالادى. كىشكەنتاي تارعىل ٴتۇستى قۇستار ارنايى ورىندارعا ورنالاستىرىلىپ، جەمى مەن سۋى الدىنا قويىلعان. توپ-توپقا ٴبولىنىپ، يەن دالادا ەركىن جۇرەتىن ەركە قۇستىڭ قاسيەتىن بىلگەن كوۆالەۆتەر اي سايىن قوماقتى قارجى تاۋىپ، ونى ٴوندىرىستى كەڭەيتۋگە جۇمسايدى. بۇگىن دە ولاردىڭ ونىمدەرىن ۇزىناعاشتىقتارمەن قاتار ال­ماتىلىقتار دا دەنساۋلىقتارىن تۇزەۋگە ەم رەتىندە قولدانىپ، العىستارىن ايتادى. شارۋاگەر وتباسى قىرعاۋىل مەن تاۋىق، تاعى باسقا قۇس وسىرەدى. قىرعاۋىلدىڭ ەتىن ينتەرنەتپەن ساۋداعا سالسا، تاۋىق جۇمىرت­قاسى مەن ەتىن مەيرامحانالارعا تاپسىرىس بويىنشا وتكىزەدى. سەرگەي فەدوروۆيچ الداعى ۋاقىتتا شارۋاشىلىعىن دامى­تۋدى ويلاستىرۋدا. ول ٴۇشىن بودەنە سانىن كوبەيتىپ، ارنايى قوسىمشا ورىن جاب­دىقتاۋدى جوسپارلاۋدا. قازىرگى كەزدە شارۋاشىلىقتا ٴۇش ادام جۇمىسپەن قامتىلسا، ونىڭ اۋقىمى كەڭەي­گەندە جۇمىسشى سانىن ٴوسىرۋدى ويلاس­تىرۋدا. شۇبارالا جۇمىرتقالار سالىنعان قوراپشالار كوۆالەۆتەر اۋلەتىنىڭ بۇگىنگى ەڭبەگىنىڭ جەمىسى. ال، قاۋىرسىنى تۇرلەن­گەن قىرعاۋىلدى كورگەندە، دالا سۇلۋ­لارىنىڭ قولعا ۇيرەنىپ، ولارمەن بىرگە تىرشىلىك كەشكەنى تاڭدانىس تۋدىردى. – قۇس ٴوسىرۋ ارقىلى وتباسىما قاجەتتى كىرىس كوزىن تاپتىم. سونداي-اق اۋدان ەكو­نو­مي­كاسىنا قوساتىن ەلەۋلى ۇلەسىم بار. قازاق­ستان مەنىڭ – وتانىم. ەلباسىنىڭ ساياساتى بارشا ۇلتتاردىڭ ٴتاتۋ-تاتتى ٴومىر ٴسۇرۋىن كوزدەيدى. ول ٴۇشىن العىس ايتامىن. ۇزىنا­عاش­تا ٴوستىم، ومىرگە كەلدىم. مىنە، ٴوز شا­رۋام­دى اشىپ، ونىڭ يگىلىگىن كورۋدەمىن. باس­قا بىزگە نە كەرەك، – دەيدى سەرگەي شىن پەيىلمەن. ٴيا، قاراپايىم ازاماتتىڭ نيەتىنە قو­سىل­دىق. قۇس ٴۇنى كوپكە دەيىن قۇلاقتا تۇنىپ تۇردى. كۇمىسجان بايجان. الماتى وبلىسى. http://www.egemen.kz/27101.html

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي