شەتەلدەردەن كولىك اكەلۋ توڭىرەگىندە تۇيتكىلدى ماسەلەلەر كوبەيدى. ٴتىپتى قارجى مينيسترلىگىنىڭ كەدەندىك باقىلاۋ كوميتەتىندە اۆتوكولىكتەردى دەكلاراسيالاۋ بويىنشا وپەراتيۆتى شتاب قۇرىلدى. مۇنىڭ ٴوزى كەدەندىك باقىلاۋ كوميتەتى 1 شىلدەدەن باستاپ قر ۇكىمەتىنىڭ 2010 جىلدىڭ 1 شىلدەسىندەگى «جەكە تۇلعالاردىڭ جەكە پايدالانۋعا ارنالعان جەڭىل اۆتوموبيلدەردى وتكىزۋ ماسەلەلەرى تۋرالى» №682 قاۋلىسىنا بايلانىستى تۋىنداعان جاعداي. ال 1 شىلدە تاياعان سايىن كولىك ساتىپ، تابىس تاۋىپ جۇرگەندەردىڭ مازاسى كەتىپ تۇر.
ال قاراپايىم تۇتىنۋشىلاردى «كولىك قاشان ارزاندايدى؟» دەگەن ساۋال كوبىرەك تولعاندىرادى. وسىعان بايلانىستى پىكىردى كەشە ەكونوميكالىق ينتەگراسيا ىستەرى جونىندەگى ٴمينيسترى جانار ايتجانوۆا ايتتى. ونىڭ سوزىنە قاراعاندا، قازاقستاندا دۇنيەجۇزىلىك ساۋدا ۇيىمىنا كىرگەن سوڭ اۆتوموبيلدەرگە كەدەندىك باج سالىعى تومەندەيدى. «رەسەي دسۇ-عا كىرگەن سوڭ، اۆتوموبيلدەرگە يمپورتتىق كەدەندىك باج سالىعى رەتتەلەدى، ال قازاقستان دسۇ-عا كىرگەن سوڭ، قازاقستان مەن رف اراسىنداعى مىندەتتەر بويىنشا ايىرماشىلىعى بار تاۋارلار جونىندە ٴبىز قوسىمشا كەلىسسوزدەر جۇرگىزەمىز. ٴسويتىپ، سول كەزدە ناقتى باعا قابىلداناتىن بولادى. ول بۇگىنگى قولدانىستاعى مولشەردەن تومەن»، - دەدى ج.ايتجانوۆا.
قازاقستان دسۇ-عا ەنۋ تۋرالى كەلىسسوزدەردى 2012 جىلى اياقتايدى. دەمەك، ارزان كولىك الۋ ٴۇشىن كەمىندە ٴبىر جىل شىداي تۇرۋعا تۋرا كەلەدى.
ادال شابىت
http://www.aikyn.kz/index.php؟option=com_content&task=view&id=8574&itemid=2
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
712 
0
5013
0 
