استانا: 
482 
0
استانا. 13 ٴساۋىر. baq.kz - «اگرارلىق نەسيە كورپوراسياسى» اق قازىرگى تاڭداعى قارجى الۋشىلاردىڭ سۇرانىسى مەن بەلسەندىلىگىن نازارعا الا وتىرىپ، بيۋدجەتتىك نەسيەگە بولىنەتىن قاراجات كولەمىن 8،9 ميلليارد تەڭگەگە دەيىن كوبەيتپەك. بۇل ٴوز كەزەگىندە شارۋالاردىڭ 700 مىڭ گەكتارعا جۋىق ەگىس القابىندا كوكتەمگى ەگىس جانە كۇزگى وراق جۇمىستارىن جۇرگىزۋىنە مۇمكىندىك بەرەدى.
قازىرگى ۋاقىتتا اقمولا، شىعىس قازاقستان، جامبىل، قاراعاندى، قوستاناي جانە سولتۇستىك قازاقستان وبلىستارىنداعى اۋىلشارۋاشىلىق وندىرۋشىلەرىنىڭ وتىنىشتەرى قارالىپ، ولارعا بۇرىنعى جوسپارلانعان سومادان اساتىن قارجىعا قارىز بەرۋ تۋرالى وڭ شەشىم قابىلداندى.
اۋىل شارۋاشىلىعى تاۋار وندىرۋشىلەرى العان قارجىسى ارقىلى جانار-جاعارماي ماتەريالدارىن; اۋىل شارۋاشىلىعى تەحنيكاسىن جوندەۋ ٴۇشىن قوسالقى بولشەكتەر مەن ماتەريالداردى; مينەرالدىق تىڭايتقىشتاردى; وسىمدىكتەردى قورعاۋ قۇرالدارىن ساتىپ الۋعا جانە ٴونىمدى وتىرعىزۋ مەن جيناۋ بويىنشا وزگە دە قاجەتتى شارالاردى ۋاقىتىلى جۇزەگە اسىرۋعا مۇمكىندىك الادى.
سونداي-اق، كورپوراسيا تاراپىنان نەسيە سەرىكتەستىكتەرىن قارجىلاندىرۋ باعدارلاماسى اياسىندا جىل باسىنان بەرى كوكتەمگى ەگىس جۇمىستارىن جۇرگىزۋ ٴۇشىن اگروونەركاسىپ سۋبەكتىلەرىنەن كەلىپ تۇسكەن جالپى قۇنى 2،8 ميلليارد تەڭگە بولاتىن 270 ٴوتىنىش قارجىلاندىرىلدى.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0