استانا: 
503 
0
استانا. 31 ناۋرىز. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا اۋىل شارۋاشىلىعى ۆيسە-مينيسترى ساپارحان وماروۆ ەلىمىزدىڭ وڭتۇستىك وڭىرىندە كوكتەمگى ەگىن ەگۋ ناۋقانى باستالعاندىعىن مالىمدەدى. ونىڭ ايتۋىنشا، قازاقستاندى بيىلعى جىلى 21،5 ملن. گا القاپقا اۋىل شارۋاشىلىعى داقىلدارى ورنالاستىرۋ جوسپارلانىپ وتىر ەكەن.
- 20 ناۋرىزعا دەيىنگى جاعداي بويىنشا اۋىلشارۋاشىلىعى تاۋارىن وندىرۋشىلەرگە 15،7 ملرد. تەڭگە بەرىلدى. ونىڭ ىشىندە بيۋدجەتتىك نەسيە ەسەبىنەن – 13،1 ملرد. تەڭگە، بيۋدجەتتەن تىس كوزدەر ەسەبىنەن – 2،6 ملرد. تەڭگە. ازىق-تۇلىك كەلىسىم-شارت كورپوراسياسى جۇزەگە اسىراتىن بيداي مەن ارپانى فورۆاردتى ساتىپ الۋعا 8،0 ملرد. تەڭگەدەن استام سوماعا وتىنىمدەر قارجىلاندىرىلدى، - دەدى ساپارحان كەسىكباي ۇلى.
ايتا كەتەيىك، اعىمداعى جىلى كوكتەمگى دالا جۇمىستارىن جۇرگىزۋ ٴۇشىن شارۋالاردى ودان ٴارى نەسيەلەندىرۋگە 60 ملرد. تەڭگە كولەمىندە بيۋدجەتتىك نەسيە بولىنگەن. بۇل بىلتىرعى جىلعى دەڭگەيدەن 20 ملرد. تەڭگەگە ارتىق. ال قاراجات قارىز تۇرىندە ەكىنشى دەڭگەيلى بانكتەر مەن ازىق-تۇلىك كەلىسىم-شارت جانە اگرارلىق نەسيە كورپوراسيالارىنا جولدانعان كورىنەدى.
- بۇدان باسقا وسىمدىك شارۋاشىلىعى سالاسىن سۋبسيديالاۋعا اعىمداعى جىلى 78،2 ملرد. تەڭگە باعىتتالادى. ونىڭ ىشىندە 34،7 ملرد. تەڭگە - باسىمدى داقىلدار ٴوندىرىسىن سۋبسيديالاۋعا، 27 ملرد. تەڭگە - مينەرالدى تىڭايتقىشتار مەن گەربيسيدتەردىڭ قۇنىن ارزانداتۋعا، ال 6 ملرد. تەڭگە – اۋىل شارۋاشىلىعى تەحنيكاسىنىڭ ليزينگى بويىنشا وتەماقى مولشەرلەمەسىن ارزانداتۋعا جانە 3،4 ملرد. - كوكونىس-جەمىس داقىلدارىن جانە ٴجۇزىمدى وتىرعىزۋ مەن ونى وسىرۋگە جۇمسالاتىن بولادى، - دەدى ۆيسە-مينيستر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0