استانا. 3 قاڭتار. baq.kz - وتاندىق ٴوندىرىس وسىپ-وركەندەسە، ەلىمىز يمپورتقا دەگەن تاۋەلدىلىكتەن ارىلادى، - دەپ حابارلايدى 24.kz.
5015
0 
استانا: 
788 
0
استانا. 3 قاڭتار. baq.kz - وتاندىق ٴوندىرىس وسىپ-وركەندەسە، ەلىمىز يمپورتقا دەگەن تاۋەلدىلىكتەن ارىلادى، - دەپ حابارلايدى 24.kz.
تاياۋدا يندۋستريالاندىرۋدىڭ ٴبىرىنشى بەس جىلدىعىن قورىتىندىلاۋ بارىسىندا ەلباسىمىز ايتقان وسى ٴسوزدىڭ وزەكتىلىگىن ٴومىردىڭ ٴوزى دالەلدەپ وتىر. ەلىمىزدە ماڭىزى زور وسى ماقساتقا جەتۋدىڭ ناقتى قادامدارى جاسالىپ جاتىر. سونداي ٴىرى ينۆەستيسيالىق جوبانىڭ ٴبىرى - كوكشەتاۋداعى «ەنكي» كەراميكالىق كىرپىش زاۋىتى. ٴوڭىردىڭ يندۋستريالاندىرۋ كارتاسىنا ەنگەن كاسىپورىن 2010 جىلى ىسكە قوسىلعان. جوبا قۇنى – 6 ميلليارد 178 ملن. تەڭگە. وتاندىق قۇرىلىس ماتەريالى ەل اۋماعىن ٴقازىر تۇگەل قامتىپ، ەندى رەسەي نارىعىنا جول تارتتى. بۇگىندە زاۋىت جىلىنا 30 ٴتۇرلى 58 ملن دانا كىرپىش شىعارۋدا.
ۆاديم بۋرىكين، زاۋىتتىڭ باس ينجەنەرى:
- بۇرىن ۋكراينانىڭ كىرپىشى ۇلكەن باسەكەلەس بولاتىن. ٴقازىر ٴبىزدىڭ ٴونىمنىڭ ساپاسى ودان ارتىق بولماسا كەم ەمەس. باعاسى دا تومەن. سوندىقتان شەتتەن كەلەتىن ٴونىمدى نارىقتان ىعىستىرىپ شىعارىپ جاتىرمىز. ٴبىزدىڭ زاۋىتتىڭ شيكىزاتىنىڭ ٴوزى دە وتاندىق، تازا تابيعي. كىرپىشتەردى رەسەيدىڭ ومبى جانە تيۋمەن قالالارىنا جىبەرۋدەمىز.
ٴوندىرىس وشاعى يسپانيانىڭ وزىق تەحنولوگياسىمەن جابدىقتالعان. سوندىقتان زاۋىت ٴونىمى ٴساپالىارى قاھارلى قىستىڭ ايازدارىنا ٴتوزىمدى. وعان قوسا عيمارات ٴىشىنىڭ تەمپەراتۋراسىن قىسى-جازى تەڭ ۇستايدى. بۇگىندە زاۋىتتا 300-دەن استام ادام تۇراقتى ەڭبەك ەتۋدە. نەگىزى زاۋىت جىلىنا 60 ملن دانا ٴونىم وندىرۋگە قاۋقارلى. ەندىگى ماقسات – سول مەجەنى ەڭسەرۋ. ٴبىراق، باستىسى -سان ەمەس ساپا، - دەيدى مۇنداعىلار.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
