قىزىلوردالىقتار kegoc-تىڭ 12 مىڭ 600 اكسياسىن ساتىپ العان

استانا. 20 قاراشا. baq.kz - «قازترانسويل» كومپانياسىنان كەيىن قۇندى قاعازداردى قور نارىعىنا شىعارۋعا «kegoc» اكسيونەرلىك قوعامىنىڭ كەزەك العانى بەلگىلى. ەلىمىزدەگى ەنەرگەتيكالىق جەلىلەرگە يەلىك ەتۋشى ٴىرى كاسىپورىن وكىلدەرىنىڭ ينۆەستورلارمەن كەزدەسۋى قىزىلوردا جانە ماڭعىستاۋ وبلىستارىندا جالعاسىن تاپتى. روۋد-شوۋ شەڭبەرىندە اكسيالاردى ساتىپ الۋدىڭ ٴتارتىبى تانىستىرىلدى.  

9 بولىمشەدەن تۇراتىن الىپ كومپانيا ەنشىسىندە 24،5 مىڭ شاقىرىم ەلەكتر جەلىسى بار. ٴىرى ينۆەستيسيالىق جوبالاردى جۇزەگە اسىرۋشى كاسىپورىن قور نارىعىنا 26 ميلليون اكسياسىن شىعارعان. ٴبىر اكسيانىڭ قۇنى – 505 تەڭگە.

جاڭاباي بەكسارى، «kegoc» اق باسقارما ٴتوراعاسىنىڭ ورىنباسارى

-ەلباسىنىڭ تاپسىرماسىنا سايكەس، «حالىقتىق ipo» باعدارلاماسى اياسىندا «سامۇرىق قازىنا» ۇلتتىق ٴال-اۋقات قورىنىڭ ەڭ ٴىرى، ورنىققان، ەكونوميكالىق بولاشاعى ايقىن كومپانيالار شىعارىلعان. ەڭ باستى ماقساتى – حالىقتىڭ الەۋمەتتىك دەڭگەيىن كوتەرۋ، جاقسارتۋ.

حالىقتىق باعدارلاما كوپشىلىكتى قىزىقتىرماي قويمادى. كومپانيا باسشىلارىمەن كەزدەسۋگە اقتاۋلىق جۇرتشىلىق كوپ جينالدى. حالىق كومپانيا اكسيالارىنىڭ ٴوسىمى مەن بولاشاعى جانە سالاتىن اقشالارىنىڭ سەنىمدىلىگىنە قاتىستى ساۋالدارىنا جاۋاپ الدى.

ال قىزىلوردالىقتاردىڭ قىزىعۋشىلىعى ٴتىپتى جوعارى. العاشقى 3 كۇننىڭ ىشىندە مىڭعا جۋىق قالا تۇرعىنى «قازپوشتاعا» تاپسىرىس بەرىپ، kegoc-تىڭ 12 مىڭ 600 اكسياسىن ساتىپ الىپ ۇلگەرگەن.

پاحۋادين ەرسەيتوۆ، «قازپوشتا» اق قىزىلوردا فيليالىنىڭ ديرەكتورى

ٴ-قازىر وسى ۋاقىتتا ٴبىزدىڭ ٴ1-شى ۇشكۇندىكتە رەسپۋبليكا بويىنشا الدىڭعى ٴ3-شى ورىندى يەلەندىك. ويتكەنى ٴقازىر حالىق بەلسەندى، اكسيالاردى الۋعا وسى كەزگە دەيىن 8 ملن تەڭگەگە اكسيا ساتىپ الىندى.

كاسىپورىننىڭ ديۆيدەنتتىك ساياساتى كەمىندە 40 پايىزدان كەم ەمەس كىرىستى بولجايدى. سەنىمدى ينۆەستورلار كومپانيانىڭ جوسپارلى دامۋىن ناقتى جۇزەگە اسىرۋ ٴۇشىن كەرەك. بۇل رەتتە قازاقستاننىڭ ەنەرگەتيكالىق تاۋەلدىلىگىن قامتاماسىز ەتۋدى كوزدەيتىن 15 ٴىرى جوبا قولعا الىنباق. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!