استانا: 
558 
0
استانا. 10 ٴساۋىر. baq.kz –قىزىلوردا وبلىسى ەۋروپالىق قايتا قۇرۋ جانە دامۋ بانكىمەن جالپى قۇنى 63 ملرد تەڭگەنى قۇرايتىن 8 جوبانى ىسكە اسىرۋدا. ونىڭ ىشىندە 7 جوبا وبلىس ورتالىعىنىڭ ينفراقۇرىلىمىن دامىتۋعا باعىتتالعان. بۇل جونىندە بۇگىن قر پرەزيدەنتى جانىنداعى وكق-دە وتكەن بريفينگ بارىسىندا قىزىلوردا وبلىسى اكىمىنىڭ ورىنباسارى عالىم امرەەۆ ٴمالىم ەتتى.
«ەلباسىنىڭ ۇدەمەلى يندۋستريالدى – يننوۆاسيالىق دامۋ جونىندەگى تاپسىرماسىن ورىنداۋدا ايماقتا اۋقىمدى جۇمىستار اتقارىلىپ جاتىر. سونداي-اق ، ٴوندىرىستى ٴارتاراپتاندىرۋ باستى مىندەتتەردىڭ ٴبىرى بولىپ بەلگىلەندى. قىزىلوردا وبلىسى ەۋروپالىق قايتا قۇرۋ جانە دامۋ بانكىمەن جالپى قۇنى 63 ملرد تەڭگەنى قۇرايتىن 8 جوبانى ىسكە اسىرۋدا» دەدى ول.
ع. امرەەۆ مىرزانىڭ مالىمەتىنشە، ەقدب-مەن قويىلعان مەموراندۋم ناتيجەسىندە كوگىلدىر وتىنمەن جۇوەتىن 20 جاڭا اۆتوبۋس اكەلىنگەن. سونداي-اق، قىزىلوردا قالاسىن سۋمەن قامتۋ جانە جاڭعىرتۋ، جىلۋمەن قامتۋ،ەلەكتر جۇيەسىن قايتا جاڭعىرتۋ سىندى ٴبىرقاتار نەسيەلىك كەلىسىمدەرگە قول قويىلدى.
سونمەن بىرگە 2015 جىلى قر پرەزيدەنتىنىڭ باستاماسىمەن جالپى قۇنى 360 ملرد.تان اساتىن ەكى بىردەي رەسپۋبليكالىق جوبا جۇزەگە اسىرىلعاندىعىنا توقتالىپ ٴوتتى.
«2013 جىلدان بەرى جىلىنا ەكى رەت ەلىمىزدىڭ جانە شەت ەل ينۆەستورلارىنىڭ، ٴىرى قارجى ينستيتۋتتارى وكىلدەرىنىڭ قاتىسۋىمەن «بايقوڭىر» ينۆەستيسيالىق فورۋمى وتكىزىلىپ كەلەدى. بۇل ٴوز كەزەگىندە وبلىسقا قوسىمشا شەت ەلدىك ينۆەستيسيالار تارتۋعا، حالىقارالىق قارجى ۇيىمدارىمەن قارىم-قاتىناس جاقسارتۋعا مۇمكىندىك بەرەدى» دەدى ع. امرەەۆ.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0