قىتاي كەدەرگىلەردى جويۋدا - قازاقستان ەكونوميكاسى|27 قاڭتار 2016، 18:50
كۋرسى ۆاليۋت وبنوۆليايۋتسيا
استانا:

قىتاي كەدەرگىلەردى جويۋدا

استانا. 27 قاڭتار. baq.kz – قازاقستاندا وندىرىلەتىن اۋىل شارۋاشىلىق ونىمدەرى الدىنان جاسىل ٴدالىز اشىلماق. اسپان استى ەلىنەن كەلىپ جەتكەن جاعىمدى جاڭالىق: قىتايلىق تاراپ قازاقستاندىق اۋىلشارۋاشىلىق ٴونىم ەكسپورتى ٴۇشىن بارلىق كەدەرگىلەردى جويىپ، ەلىمىزدىڭ اۋماعىنداعى وندىرىستەرگە مولىنان ينۆەستيسيا سالماق.

قحر قازاقستانداعى توتەنشە جانە وكىلەتتى ەلشىسى چجان حانحۋەي وسىنداي مالىمدەمە جاسادى. «ەكولوگيالىق تازا اۋىلشارۋاشىلىق ونىمدەرىنە دەگەن ٴونىم كولەمى ارتىپ كەلەدى»، - دەپ باسا كورسەتتى ەلشى مىرزا. چجان حانحۋەيدىڭ ايتۋىنشا، قىتاي «قازاقستاندىق اۋىلشارۋاشىلىق ٴونىمدى جەتكىزۋگە كۆوتانى رەتتەۋگە» دايىن.

«كارانتينگە كەلەر بولساق، قازاقستاندىق ٴونىمنىڭ قحر نارىعىنا ۇزدىكسىز جەتكىزىلۋىن قامتاماسىز ەتۋ ٴۇشىن، بارلىق كەدەرگىلەردى جانە تۇيتكىلدەردى رەتتەۋدى الىپ تاستايمىز»، - دەپ سەندىردى ەلشى. ديپلومات سونىمەن قاتار «قازاقستاندىق اۋىلشارۋاشىلىق ونىمدەردى تاسىمالداۋ ٴۇشىن جاقسى ٴدالىزدى قامتاماسىز ەتەتىندەرىنە» سەندىردى.

«ليانيۋنگان پورتىندا ونىمدەرىڭىزدى ەكسپورتتاۋعا قازاقستاندىق تەرمينال بار. بولاشاقتا وندىرىستىك قۋاتتاردى كوشىرۋدىڭ (قحر-دان قىتايعا - اۆت.) جالپى جوباسىمەن جۇزەگە اسىرا بەرەتىن بولامىز»، - دەدى چجان حانحۋەي.

قر اۋىلشارۋاشىلىق ۆيسە-مينيسترى گۇلميرا يسايەۆا بەرگەن دەرەكتەر بويىنشا، ٴقازىر قازاقستان مەن قىتاي اۋىل شارۋاشىلىعى سالاسىندا 1،7 ملن دوللاردان استام سوماداعى 19 جوبانى جۇزەگە اسىرۋعا كىرىسۋدە. 1،5 ملرد دوللار بولاتىن توعىز جوبا بويىنشا جۇمىس باستالىپ تا كەتتى.

12 جوبا شىعىس قازاقستان جانە الماتى وبلىستارىندا ورنالاسادى. "لوگيستيكا تۇرعىسىنان – بۇل ەڭ ماڭىزدى وڭىرلەر، سەبەبى قىتايمەن ورتاق شەكاراسى بار. اۋىلشارۋاشىلىق ٴونىم ٴوندىرىسى سالاسىنداعى قيماسىنا كەلەر بولساق، بۇل 19 جوبا مالدان الىناتىن ونىمدەردى دە، وسىمدىكتەردەن الىناتىن ونىمدەردى دە تەرەڭ قايتا وڭدەۋگە ارنالعان»، - دەدى ۆيسە-مينيستر.

قازاقستاننان قىتايعا نەگىزىندە سيىر ەتى، قوي ەتى، بال ەكسپورتتالادى.

«قىتايدىڭ فيتوسانيتاريالىق جانە ۆەتەرينارلىق تالاپتارى بويىنشا مەملەكەتتىك ينسپەكسياسىمەن كەلىسسوزدەردى اياقتاپ قالدىق»، - دەيدى گۇلميرا يسايەۆا. ٴقازىر قازاقستاندىق كاسىپورىنداردىڭ اتتەستاسياسىن وتكىزۋدى جوسپارلاپ وتىرعان قىتايلىق ساراپشىلاردىڭ كەلۋى كۇتىلۋدە. وسىدان سوڭ وتاندىق ٴونىمدى ەكسپورتتاۋ مۇمكىن بولادى.

سونىمەن قاتار، قازاقستان مەن قىتاي اراسىنداعى جاڭا بيزنەس-كەلىسۋلەرگە قر ينۆەستيسيالار جانە دامۋ ٴمينيسترى اسەت يسەكەشوۆ باستاعان قازاقستاندىق دەلەگاسيانىڭ قحر-عا باستالعان ساپارىنىڭ بارىسىندا قول جەتكىزىلۋى مۇمكىن. قازاقستاننىڭ وكىلدەرى قحر مەملەكەتتىك دامۋ جانە رەوفرما جونىندەگى كوميتەتىمەن بىرگە يندۋستريالاندىرۋ جانە ينۆەستيسيالار بويىنشا وتەتىن قازاقستاندىق-قىتايلىق 8 وتىرىسقا قاتىسادى.

پەكيندە وتەتىن كەزدەسۋدە سونىمەن قاتار جوبالاردى قارجىلاندىرۋ تالقىلانادى. ول 2016 جىلى باستالادى دەپ بەلگىلەنگەن. ٴسوز قىتايلىق كومپانيالاردىڭ اۆتوموبيلدەر، جۇك تەحنيكاسى، وسىمدىك مايى، قىزاناق پاستاسى، كاليي تىڭايتقىشتارى، ٴتۇرلى قۇبىرلار ٴوندىرىسى جانە ت.ب. سياقتى ەكسپورتقا باعدارلانعان قوسىلعان قۇنى جوعارى ونىمدەر وندىرىسىنە ينۆەستيسيا سالۋى جايلى بولىپ وتىر. سونىمەن قاتار تۋريزم، عىلىم جانە يننوۆاسيالار سالاسىنداعى بىرلەسكەن جوبالار تالقىلانادى.

جانار سەردالينا
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي