قىتاي ەلشىسى: قىتاي ينۆەستورلارى قازاقستانعا قارجى قۇيۋعا مۇددەلى - قازاقستان ەكونوميكاسى|26 قاڭتار 2016، 09:39
كۋرسى ۆاليۋت وبنوۆليايۋتسيا
استانا:

قىتاي ەلشىسى: قىتاي ينۆەستورلارى قازاقستانعا قارجى قۇيۋعا مۇددەلى

استانا. 26 قاڭتار. baq.kz - قىتايلىق ينۆەستورلار قازاقستانعا قارجى قۇيۋعا قىزىعۋشىلىق تانىتۋدا. بۇل تۋرالى قىتايدىڭ قازاقستانداعى توتەنشە جانە وكىلەتتى ەلشىسى چجان حانحۋەي ايتتى.

"اۋىل شارۋاشىلىعى سالاسىندا ٴبىزدىڭ الەۋەتىمىز زور. بىرلەسكەن جۇمىسىمىزدىڭ بولاشاعى ۇلكەن دەگەن ويدامىن. بۇگىنگى مەموراندۋم اياسىندا ىنتىماقتاستىق ناتيجەلى بولارى ٴسوزسىز. قازاقستاندا وندىرىستىك قۋات، الاڭ، اۋىل شارۋاشىلىعى ٴونىمىنىڭ كولەمىن وسىرۋگە مۇمكىندىك مول. ال قىتايدا ەكولوگيالىق تازا ونىمدەرگە سۇرانىس ۇلكەن. بۇل ورايدا قازاقستان مەن قىتاي تىعىز ستراتەگيالىق سەرىكتەستىك ورناتا الادى. ٴبىز ۇزاق مەرزىمدى جانە تۇراقتى ىنتىماقتاستىق ورناتۋعا مۇددەلىمىز"، - دەدى ەلشى

ونىڭ اتاپ وتۋىنشە، قىتايلىق ينۆەستورلار بۇگىندە ٴوز كاپيتالىن قازاقستانعا قۇيۋعا قىزىعۋشىلىق تانىتۋدا.

"ٴبىز دە ٴوز تاراپىمىزدان قىتايلىق تۇتىنۋشىلاردىڭ قازاقستاندىق اۋىل شارۋاشىلىعى ونىمدەرىنىڭ جوعارى ساپاسىن ٴبىلىپ-تانۋىنا كۇش سالامىز. بۇل باعىتتا ٴالى كوپ جۇمىس ىستەۋىمىز كەرەك. ٴبىز قازاقستاندىق اۋىل شارۋاشىلىعى ونىمدەرى ەكسپورتىنىڭ كۆوتاسىن رەتتەيتىن بولامىز. سونداي-اق كارانتينگە قاتىستى بارلىق ماسەلەلەردى شەشەمىز. بۇل ٴونىمنىڭ قىتايعا ۇزدىكسىز جونەلتىلۋىنە مۇمكىندىك بەرەدى"، - دەدى قىتاي ەلشىسى.

ايتا كەتەيىك، قر اۋىل شارۋاشىلىعى مينيسترلىگى بۇگىن "citic"، "rifa holding group"، "cofco"، "aijiu" قىتاي كومپانيالارىمەن بىرلەسكەن ٴىس-قيمىل جوسپارىنا قول قويدى. 

فوتو: 24 kz 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي