كينگتىڭ ايتقانى كەلە مە؟

 

وسىدان ٴتورت جىل بۇرىن باستالعان جاھاندىق داعدارىستىڭ ەكىنشى تولقىنى بولماي قويمايدى دەپ بولجاعان سانسىز ساراپشىلاردىڭ پىكىرى شىندىققا اينالاتىن ٴتۇرى بار. جۋىردا عانا انگليا بانكىنىڭ باسشىسى مەرۆين كينگ: «ول ٴتىپتى حح عاسىردىڭ 30 جىلدارىنداعى الاپات داعدارىستان دا اسىپ ٴتۇسىپ، ادامزات تاريحىنداعى ەڭ اۋىر قارجىلىق داعدارىس بولۋى مۇمكىن» دەپ مالىمدەدى.

 يتار-تاسس اگەنتتىگىنىڭ حابارلاۋىنشا، وتكەن اپتادا انگليا بانكى 75 ميلليارد فۋنت ستەرلينگ كولەمىندە اقشا ەميسسياسىن جۇرگىزەتىندىگىن جاريالاعان. كينگ مىرزانىڭ تۇسىندىرۋىنشە، اعىلشىن ورتالىق بانكىنىڭ بۇل قادامعا بارۋىنا ۇلىبريتانيا مەن جالپى الەمدىك ەكونوميكادا قالىپتاسقان ٴقاۋىپتى جاعداي ماجبۇرلەپ وتىر. «ٴبىز جاڭا بانكنوتتار شىعارۋدامىز، سەبەبى ەكونوميكادا اقشا جەتىسپەي جاتىر. ٴبىز ادەتتەگىدەن تىس وزگەشە جاعدايعا تاپ بولىپ وتىرمىز. ٴبىراق وعان بايىپپەن قاراپ، دۇرىس شەشىمدەر قابىلداۋىمىز كەرەك» دەيدى كينگ. 
ونىڭ ايتۋىنشا، ەكىنشى دۇنيەجۇزىلىك سوعىس كەزىندە ەكونوميكادا اقشانىڭ شەكتەن تىس كوپ بولۋى باستى ماسەلەگە اينالعان. ال ٴقازىر تۋرا قاراما-قارسى جاعداي: الەمدىك ەكونوميكادا اقشا جەتىسپەيدى، سوندىقتان ورتالىق بانكتەرگە ەميسسيا جۇرگىزۋگە (جاڭادان قوسىمشا اقشا باسىپ شىعارۋ) تۋرا كەلىپ تۇر. «سوعىستان كەيىنگى كەزەڭدە شەكتەن تىس ارتىق اقشا باس اۋرۋىنا اينالىپ ەدى. ال الەمدىك قارجى داعدارىسىنان سوڭ، ٴبىز وعان قاراما-قايشى جاعدايعا تاپ بولدىق، ٴقازىر ول كەرىسىنشە جەتىسپەيدى. وتكەن جىلى ەكونوميكاداعى اقشا مولشەرى ازايدى. سول سەبەپتى دە ٴبىز ەكونوميكانىڭ ٴوسۋىن جالعاستىرۋدى قامتاماسىز ەتۋ ماقساتىندا جاڭا اقشالار شىعارىپ جاتىرمىز» دەيدى انگليا بانكىنىڭ باسشىسى. 
مەرۆين كينگ سونداي-اق بىرىككەن كورولدىكتە قولدان كەلگەننىڭ ٴبارى جاسالىپ جاتقانىمەن، ەكونوميكالىق داعدارىس جاھاندىق سيپات الىپ وتىرعاندىقتان، ونى ەڭسەرۋ ٴۇشىن ٴارتۇرلى ەلدەردىڭ ۇكىمەتتەرى ۇيلەسىمدى ارەكەت ەتۋى قاجەتتىگىن دە ەسكەرتىپ، اقشا ەميسسياسى ۇلىبريتانياداعى ينفلياسيانىڭ وسۋىنە الىپ كەلەدى دەگەن ٴقاۋىپتى دە جوققا شىعاردى. ونىڭ بولجاۋىنشا، جاقىن ايلار ىشىندە بۇل ەلدەگى ينفلياسيا دەڭگەيى 5 پايىزعا دەيىن وسەدى دە كەيىن الا توقتاپ، تەز ارادا تومەندەيتىن كورىنەدى. 
بۇدان ٴسال بۇرىن بريتان پرەمەر-مينيسترى دەۆيد كەمەرون دا ەل ەكونوميكاسى ٴبىراز ۋاقىت توقىراۋدا بولىپ، «جاقسى كۇندەردىڭ باستالۋىن ۇزاعىراق كۇتۋگە» تۋرا كەلەتىندىگىن ايتىپ ەدى. ٴfىnancىal ٴtىmes باسىلىمىنىڭ حابارلاعانىنداي، جالپى العاندا پرەمەر-مينيستردىڭ سوزىندە بريتانيانىڭ ەكونوميكالىق كەلەشەگىنە قاتىستى جاعىمدى بولجامدار كوبىرەك كەزدەسكەنىمەن، كەمەرون ەكونوميكانىڭ قۇلدىراۋى وتە تەرەڭ جانە ونىڭ قالپىنا كەلۋى ساياساتكەرلەر مەن قارجىگەرلەر بولجاعاننان اناعۇرلىم جاي ٴجۇرىپ جاتقانىن مويىنداۋعا ابدەن دايىن. «ٴبىز ەكونوميكاداعى اۋىر احۋال جايىندا شىندىقتى ايتۋىمىز كەرەك. ادامدار ەكونوميكا قۇلدىراۋ كەزەڭىنە تۇسكەن جاعدايدا اۋىر كۇندەر باستالاتىنىن تۇسىنەدى» دەپتى اعىلشىن ۇكىمەتىنىڭ باسشىسى. 
دۇنيەجۇزىلىك بانكتىڭ سوڭعى بولجامدارىنا قاراعاندا، الەمدىك ەكونوميكانىڭ 2011 جىلعى ٴوسۋى 2010 جىلمەن سالىستىرعاندا 0،6 پايىزعا تومەندەپ، 3،2 پايىزعا عانا ارتادى. goldman sachs اگەنتتىگى ساراپشىلارىنىڭ پىكىرىنشە، ەۋروايماق ەكونوميكاسىنداعى قۇلدىراۋ الدەقاشان باستالدى. ۇلىبريتانيا ەكونوميكاسىنىڭ ٴوسىمى ٴىv توقساندا الەمدىك ەكونوميكاداعى احۋالدىڭ تومەندەۋىنە بايلانىستى كۇتىلگەن 2،5 پايىزدىڭ ورنىنا 2 پايىزدى عانا قۇرايتىن بولادى. قىركۇيەكتىڭ باسىندا اقش پرەزيدەنتىنىڭ ەكونوميكالىق ماسەلەلەر جونىندەگى كەڭەسشىسى، نيۋ-يورك ۋنيۆەرسيتەتىنىڭ پروفەسسورى، كەزىندە 2007 جىلعى جاھاندىق قارجى داعدارىسىنىڭ باستالۋىن الدىن الا ايتقان نۋريەل رۋبيني ونىڭ ەكىنشى تولقىنى جاقىن ٴبىر-بىرجارىم جىل ىشىندە قايتا سوعاتىنىن ايتقان ەدى. 
دەمەك، الەم شىنىندا دا الاپات داعدارىس الدىندا تۇر. تەك «قامدانعان قاپى قالماس» دەپ اۋىر سىنعا اقىلدى دايىندىق كەرەك. سونىڭ ەڭ ٴتيىمدىسى - اۋرۋدى جاسىرماي، ادامدارعا اقيقاتىن ايتۋ شىعار. اعىلشىن پرەمەرىنىڭ ارەكەتى سونىڭ ٴبىر دالەلى سياقتى.

قۇتماعامبەت قونىسباي 

http://www.aikyn.kz/index.php؟option=com_content&task=view&id=10331&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!