BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كىمدىكى دۇرىس، كىمدىكى بۇرىس؟

پاۆلودار وبلىسىنداعى كارتوپ وسىرۋمەن شۇعىلداناتىن جەتى فەرمەر قوجالىعىنا «ٴوزارا ٴتىل بىرىكتىرىپ باعانى وسىرۋدە، ٴسويتىپ باسەكەلەستىكتى قاساقانا شەكتەپ وتىر» دەگەن ايىپ تاعىلۋدا. الايدا فەرمەرلەر بۇل ايىپتاۋلاردى جوققا شىعارىپ، باعانىڭ وسۋىنە رەسەيدەگى سۇرانىستىڭ ارتۋى ىقپال ەتىپ وتىرعانىن ايتادى.
 قازاقستان رەسپۋبليكاسى باسەكەلەستىكتى قورعاۋ اگەنتتىگى شىعىس قازاقستان جانە پاۆلودار وبلىسى بويىنشا ٴوڭىرارالىق ينسپەكسياسى باستىعىنىڭ ورىنباسارى تيمۋر ٴامىرحانوۆتىڭ ايتۋىنشا، نارىقتىڭ كەيبىر قاتىسۋشىلارى قازاقستاننان تىس جەرلەرگە ساتۋ ٴۇشىن جەرگىلىكتى كوتەرە-بولشەكتەپ ساتىپ الۋشىلارعا كارتوپ ساتپاي جاتقانى جونىندە جەدەل مالىمەتتەر بار. فەرمەرلەر كارتوپتارىن ەداۋىر جوعارى باعادا كورشى ەل وڭىرلەرىنە شىعارىپ ساتقاندى ٴتيىمدى سانايدى. ونىڭ ويىنشا، تاۋار ساتۋدى نەگىزسىز شەكتەۋ جانە جەرگىلىكتى ساتىپ الۋشىلارمەن كەلىسىمشارت جاساۋدان باس تارتۋ باسەكەلەستىكتى قورعاۋ زاڭنامالارىن بۇزۋ بولىپ سانالادى. «فەرمەرلەرگە ٴبىر كەلى كارتوپتى 150-180 تەڭگەدەن ساتىپ الۋ جونىندە ۇسىنىس بولعانى جايلى اۋىزشا مالىمەت بار» دەيدى تيمۋر ٴامىرحانوۆ. ال پاۆلودارداعى دۇكەندەر مەن بازارلاردا ول 60 تەڭگەدەن 120 تەڭگە ارالىعىندا ساتىلىپ جاتىر. قازاقستان رەسپۋبليكاسى باسەكەلەستىكتى قورعاۋ اگەنتتىگى ماماندارىنىڭ ايتۋىنشا، وسى ماسەلە بويىنشا جيناقتالعان مالىمەتتەر قر «باسەكەلەستىك تۋرالى» زاڭىنىڭ 11 بابىندا ايتىلعان - باعانى ۇستاپ تۇرۋ جانە تاۋار ساتىلىمىن نەگىزسىز شەكتەۋگە باعىتتالعان باسەكەلەستىككە قارسى كەلىسىلگەن ىس-ارەكەتتەردىڭ بار ەكەنىن كورسەتەدى. «ەگەر نارىق قاتىسۋشىلارىنىڭ ىس-ارەكەتىندە باسەكەلەستىككە قارسى زاڭنامالاردىڭ بۇزىلۋ دەرەكتەرى دالەلدەنسە، ولارعا قاتىستى ٴتيىستى شارالار كورەتىن بولامىز» دەيدى اگەنتتىك ٴتوراعاسىنىڭ ورىنباسارى قايرات نۇرپەيسوۆ. «قازاقستان فەرمەرلەر وداعى» رەسپۋبليكالىق قوعامدىق بىرلەستىگىنىڭ ۆيسە-پرەزيدەنتى اقجول ابدىكارىموۆتىڭ ويىنشا، بۇل جەردە الدىن الا ٴتىل بىرىكتىرۋ نەمەسە ۋاعدالاسۋ دەگەن جوق. «تاۋارعا دەگەن سىرتقى سۇرانىس، ايتارلىقتاي ٴتيىمدى ۇسىنىس بار، بار بولعانى وسى» دەيدى ول. سونداي-اق ول ونىمدەرىنىڭ ٴار كەلىسىن كۇزدە كوتەرە ساتىپ الۋشىلارعا 40-50 تەڭگەدەن وتكىزگەن فەرمەرلەردى ەشقانداي ايىپتاۋعا بولمايتىنىن دا اتاپ ٴوتتى. «فەرمەر قوجالىقتارى - بۇل شاعىن بيزنەس جانە ولار جاعدايعا ايتارلىقتاي اسەر ەتە المايدى، ال جەتى عانا فەرمەر قوجالىعى احۋالدى ٴتىپتى دە وزگەرتپەيدى. اڭگىمە دەلدالدىق قىزمەتپەن اينالىساتىن ٴىرى كاسىپورىندار جايىندا بولىپ وتىر. ولار باعانىڭ ٴوسىپ بارا جاتقانىن بايقادى دا جاعدايدى پايدالاندى. بۇل كومپانيالاردىڭ كوكونىس قويمالارى بار. ٴقازىر نارىققا شىعارىلىپ جاتقان ٴونىم - سول كاسىپورىنداردىڭ فەرمەرلەردەن وتكەن جىلدىڭ تومەن باعاسى بويىنشا كوتەرە ساتىپ العان كارتوپتارى» دەيدى اقجول ابدىكارىموۆ. «قازاقستان فەرمەرلەر وداعى» بىرلەستىگىنىڭ مالىمەتىنشە، شىعىس قازاقستان وبلىسىندا رەسەيلىكتەر كەلىسىنە 115 تەڭگەدەن 1200 توننا كارتوپ ساتىپ العان. ماسكەۋدە ٴتىپتى 1 كەلى كارتوپ ٴبىزدىڭ اقشاعا شاققاندا 500 تەڭگەدەن ساتىلىپ جاتقان كورىنەدى. ٴقازىر رەسەي جاعى باسقا ەلدەردەن كارتوپ جەتكىزۋ ماسەلەسىن ۇكىمەتتىك دەڭگەيدە قاراستىرىپ جاتىر. ويتكەنى اۋا رايىنا بايلانىستى ارقاداعى كورشىلەرىمىزدە بۇل ٴونىمنىڭ جەتىمسىزدىگى بايقالۋدا. سوندىقتان دەلدالدىق قىزمەت كورسەتەتىن كاسىپورىنداردىڭ كارتوپتى رەسەي نارىعىنا شىعارعانى ٴتيىمدى ەكەنى تۇسىنىكتى. تەك بولعان ٴىستىڭ بايىبىنا تەرەڭ بارماي، ٴا دەگەننەن فەرمەرلەردى جازعىرۋ عانا تۇسىنىكسىز بولىپ تۇر. ونىڭ ۇستىنە ٴوندىرۋشىنىڭ دە قۇقىقتارى بار. موينىنا العان باسقا مىندەتى بولماسا، ارتىق ٴونىمىن كىمگە، قالاي ساتۋ ٴار ٴوندىرۋشىنىڭ ٴوز شارۋاسى ەمەس پە؟ قۇتماعامبەت قونىسباي http://www.aikyn.kz/index.php؟option=com_content&task=view&id=5988&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي