كەڭ شاناقتى جولاۋشىلار ۆاگونى شىلدە ايىندا شىعارىلا باستايدى

استانا. 26 ناۋرىز. baq.kz – «قتج» ۇك» اق-نىڭ استانا يندۋستريالدىق پاركىندە ورنالاسقان يننوۆاسيالىق جوباسى «تۇلپار-تالگو» زاۋىتى بيىل تار شاناقتى ۆاگونداردىڭ قالعان 130 ۆاگونىن ازىرلەۋدى جوسپارلاۋدا. ال زاماناۋي تەمىر جول قۇرامىنىڭ كەڭ شاناقتى ٴتۇرى اعىمداعى جىلدىڭ ەكىنشى جارتىسىندا شىعارىلا باستالماق.

«talgo» جۇردەك جولاۋشىلار ۆاگوندارى ٴوندىرىسى مەن ولارعا تەحنيكالىق قىزمەت كورسەتۋگە ارنالعان «تۇلپار-تالگو» جشس باس ديرەكتورى اندرەي سينيسىننىڭ ايتۋىنشا، 2010 جىلى قۇرىلعان مەملەكەت مەنشىگىندەگى ٴوندىرىس ورنى «قازاقستان تەمىر جولى» كومپانياسىنىڭ ەنشىلەس مەكەمەسى «لوكوموتيۆجوندەۋ» اق مەن يسپانيالىق «patentes talgo» s.l.u اراسىنداعى بىرلەسكەن كاسىپورىن بولىپ سانالادى ەكەن.

– 2011 جىلى ەلباسىنىڭ قاتىسۋىمەن ۇدەمەلى يننوۆاسيالىق-يندۋستريالدىق دامۋ باعدارلاماسى اياسىندا تۇساۋى كەسىلگەن جاڭا زاۋىتتا، كەلەسى 2012 جىلى ىسكە قوسىلعان سوڭ 52 ۆاگون قۇراستىرىلدى. باتىل قادامدى جاساۋداعى كوزدەلگەن ماقسات، قازاقستاندىق نارىق سۇرانىسىن قامتاماسىز ەتىپ قانا قويماي، تمد مەن الىس شەتەل اۋماقتارىنا ٴونىمدى ەكسپورتتاۋ بولىپ تابىلادى. سونىمەن قاتار، قوسالقى بولشەكتەردى ٴىشىنارا دايىنداۋ دا مەجەلەنگەن يگى ٴىس. وندىرىستىك عيماراتتاردىڭ الاڭى 31 مىڭ شارشى مەتردى توڭىرەكتەسە، تەحنولوگيالىق قۇرال-جابدىقتار سانى 295 بىرلىكتى ماڭايلاۋدا. جۇمىس ورنى – 296، – دەپ ويىن جالعايدى اندرەي اناتولەۆيچ. – تار شاناقتى 436 ۆاگون جوباسىن جۇزەگە اسىرۋدا، سەرىكتەستىگىمىز تاپسىرىس بەرۋشى «جولاۋشىلار تاسىمالى» اق تاراپىنا 2012-2014 جىلدار مەرزىمىندە 11 قۇرامدى قالىپتاستىراتىن 306 ۆاگون ٴوندىرىسى يگەرىلدى. 2015-2019 جىلدارعا بولجانعان 603 ۆاگون جوباسى تۇرعىسىندا، ٴتيىستى جاۋاپتى جۇمىسپەن تىڭعىلىقتى اينالىسۋدامىز. بۇل تۇستا «patentes talgo» s.l.u. كومپانياسى ۆاگونداردى جوبالاۋ كەزەڭىنە دەن قويىپ، قازاقستان تەمىر جولىنىڭ جۇمىس توبىمەن جوبالىق قۇجاتتاردى كەلىسۋ جۇرگىزىلۋدە. ماڭىزدى شارۋانى ۇستىمىزدەگى جىلدىڭ ەكىنشى بولىگىندە ناقتى قولعا الۋ ويدا.

سونىمەن، زاۋىتتاعى تەحنولوگيالىق ۇدەرىسكە توقتالساق، قىزۋ قايناعان ەڭبەك كورىگى بارىسىندا ٴجۇرىس بولشەكتەرى جينالىپ، اۋا جانە ەلەكتر بەرۋ جۇيەلەرى قوسىلۋدا. وسىمەن بىرگە، قوزعالىستا دا سىناۋ ۇمىتىلمايتىن قۇرام ٴبىر دەڭگەيگە كەلتىرىلىپ، تەجەۋىش قۇرالى، قاۋىپسىزدىك جانە ٴورت ٴسوندىرۋ امالدارى، بىلىككە تۇسەتىن جۇكتەمە جاعى تەكسەرىلۋدە ەكەن. شام اسپاپتارى، ەلەكتر پانەلدەر، تەرەزەلەر مەن وزگە دە كۋپە زاتتارى، سۋ قۇياتىن، قالدىق توگىلەتىن ىدىستار ازىرلەنىپ، ورناتىلىپ، ۆاگون سىرتى مەن قىر-سىرى بويالۋدا. سىمداردى وقشاۋلاۋ، جەكەلەگەن دۇنيەلەردى دانەكەرلەۋ، شاناقتاردى ىقپالداستىرۋ ماسەلەلەرى تاعى بار.

الدابەرگەن كەمپىربايەۆ
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!