استانا: 
406 
0
استانا. 20 جەلتوقسان. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا ۇكىمەت وتىرىسىنىڭ قورىتىندىسىنا ارنالىپ ۇيىمداستىرىلعان ٴباسپاسوز ٴماسليحاتىندا ۇلتتىق ەكونوميكا ٴمينيسترىنىڭ ورىنباسارى ٴمادينا ٴابىلقاسىموۆا 2015 جىلدىڭ بيۋدجەتى مۇنايدىڭ باررەلى 70، 60، 50 ٴتىپتى 40 دوللارعا دەيىن تومەندەۋى مۇمكىن ەكەندىگى ەسكەرىلە وتىرىپ، سوعان وراي بولجالدى جوسپار ازىرلەنگەندىگىن مالىمدەدى، - دەپ حابارلايدى baq.kz ٴتىلشىسى.
- تاپ وسى كۇندەرى ٴبىز بيۋدجەتتى مۇنايدىڭ بارەللىن 80 دوللاردان ەسەپتەپ، ەسكەرىپ وتىرمىز. دەسەك تە، الەمدىك ەكونوميكاداعى نارىق تۇراقسىزدىعىن ەسكەرە كەلە، كەلەشەكتە بۇل باعانىڭ 70، 60، 50 ٴتىپتى، 40 دوللارعا دەيىن تومەندەۋى مۇمكىن ەكەندىگىن ەسكەرىپ، وسىعان وراي ارنايى جوسپارلار ازىرلەدىك. وندا جان-جاقتى ەسەپتەۋلەر مەن بيۋدجەت تۇسىمدەرى جانە ورىن الۋى مۇمكىن تومەن كورسەتكىشتەردىڭ بارلىعى-دەرلىك نازارعا الىنعان. قىسقا قايىرىپ ايتقاندا، ٴبىز الداعى ەكونوميكالىق ٴتۇرلى اۋىتقۋشىلىقتارعا بارىنشا دايىندالدىق. ەندىگىسىن تەك ۋاقىت كورسەتەدى. ول كەلەر جىلداعى جاعدايدىڭ قالاي ٴورىس الۋىنا بايلانىستى. ٴبىز قازىرگىدەي ٴتاستۇيىن دايىندىعىمىزعا سەنىم ارتا وتىرىپ، تىعىرىقتان وڭ كورسەتكىشتەرمەن شىعا الامىز دەپ ويلايمىن، - دەدى ۆيسە-مينيستر.
ونىڭ ايتۋىنشا، سوڭعى كەزدەرى ەلىمىزدەگى مۇناي ٴوندىرۋ ىسىندە ازداپ بولسا دا تومەن كورسەتكىشتەر ورىن العان كورىنەدى. اتاپ ايتقاندا، اعىمداعى جىلدىڭ قاڭتار-قاراشا ايىندا 73،7 ملن. توننا مۇناي وندىرىلگەن بولسا، بۇل ساندى وتكەن جىلدىڭ وسى كەزەڭىمەن سالىستىرعاندا ٴوندىرۋ كولەمى 1،3 پايىزعا ازايعان.
نۇرلىبەك دوسىباي،
سۋرەتتى تۇسىرگەن – ازات ەسەمبەكوۆ
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0