«قازسات-2» سپۋتنيگىمەن بىرگە ۇشىرىلاتىن امەريكاندىق «ses-3» اپپاراتى بايقوڭىرعا جەتكىزىلدى

بايقوڭىر.  10 ماۋسىم. قازاقپارات /سارا قابيقىزى/ -  كەشە، 9 ماۋسىمدا   «بايقوڭىر» عارىش  ايلاعىنىڭ «يۋبيلەينىي»   اەرودرومىنا   «رۋسلان»   ان-124    ۇشاعى كەلىپ قوندى، ۇشاق   ۋليانوۆسكىدەن   امەريكاندىق «ses-3»    تەلەكوممۋنيكاسيالىق  سپۋتنيگىن   جەتكىزدى،   دەپ    حابارلادى   رەسەيعارىش  اگەنتتىگىنىڭ ٴباسپاسوز قىزمەتىنەن.

جۇك   كەدەندىك تەكسەرۋدەن وتكىزىلگەن كەيىن،   عارىش اپپاراتى  مەن  قوسالقى بولشەكتەر سالىنعان    كونتەينەرلەر   تەمىرجولمەن  ايلاقتىڭ 92ا-50   الاڭىنا  جەتكىزىلدى.    وندا   «ses-3»  اپپاراتىن وربيتاعا  ۇشىرۋ  دايىندىقتارى  جۇرگىزىلەدى. 

بۇعان دەيىن   حابارلاعانداي، «ses-3»   اپپاراتى      وربيتاعا  قازاقستاندىق  «قازسات-2»     سپۋتنيگىمەن بىرگە  ۇشىرىلادى.  «قازسات-2»      بايقوڭىرعا 30  مامىر كۇنى جەتكىزىلگەن،  ٴقازىر ول  جوسپارلى  دايىندىقتان  وتكىزىلۋدە. 

قازاقستاندىق جانە  امەريكاندىق  سپۋتنيكتەردى  وربيتاعا الىپ شىعاتىن  «پروتون-م» زىمىرانتاسىمالداعىشىنىڭ ساپارى   10 شىلدەگە  بەلگىلەنگەن.

http://www.inform.kz/kaz/article/2386652

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!