استانا: 
606 
0
استانا. 30 ٴساۋىر. baq.kz -جەردى قاشىقتىقتان زوندتايتىن قازاقستاندىق «kazeosat» عارىش اپپاراتى ٴوزىن ون جىل ىشىندە اقتايدى. بۇل تۋرالى بۇگىن پارلامەنت سەناتىنىڭ جالپى وتىرىسىندا ينۆەستيسيالار جانە دامۋ مينيسترلىگى اەروعارىش كوميتەتىنىڭ ٴتوراعاسى تالعات مۇسابايەۆ ٴمالىم ەتتى
ەسكە سالايىق، جالپى وتىرىستا «2009 جىلعى 6 قازانداعى قازاقستان رەسپۋبليكاسىنىڭ ۇكىمەتى مەن فرانسۋز رەسپۋبليكاسىنىڭ ۇكىمەتى اراسىنداعى جەردى قاشىقتىقتان زوندتاۋدىڭ عارىش جۇيەسىن جانە عارىش اپپاراتتارىنىڭ قۇراستىرۋ-سىناۋ كەشەنىن قۇرۋ مەن پايدالانۋ شارتتارى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاسيالاۋ تۋرالى» زاڭ قابىلدانعان بولاتىن.
توقتالا كەتەتىن جايت، 2014 جىلى قازاقستاننىڭ جەردى قاشىقتىقتان زوندتايتىن ەكى عارىش اپپاراتى وربيتاعا شىعارىلعان. جوعارى جانە ورتاشا دالدىكتەگى بۇل اپپاراتتار ٴالى دە قازاقستاننىڭ مەنشىگىنە وتپەگەنى بەلگىلى.
«بۇل عارىش اپپاراتتارى ەڭ الدىمەن مەملەكەتتىك مۇددەگە جۇمىس ىستەيدى، سوندىقتان دا ولاردىڭ وزدەرىن اقتالۋى بىردەن بولمايدى. ٴتىپتى، ٴوزىن-وزى ٴومىر بويى اقتامايتىن جۇيەلەر دە بار. ال ٴبىز ٴوزىمىزدىڭ سپۋتنيكتەر مەن جالپى قازاقستاندىق عارىش جۇيەسىن 10 جىلدىڭ ىشىندە ٴوزىن-وزى اقتايدى دەپ ەسەپتەپ شىقتىق. ارينە، بۇل ەڭ بىرىنشىدەن ۇكىمەتتىڭ قانداي شەشىم قابىلدايتىنىنا دا بايلانىستى. ەكىنشى ماسەلە، ونداي جۇيەنى ۇستاپ تۇرۋ ٴۇشىن دە قاراجات كەرەك. ويتكەنى، مەملەكەتتىك ورگاندارعا عارىش اپپاراتتارىنان تۇسىرىلگەن سۋرەتتەردى تەگىن بەرەتىن بولساق، وندا عارىش اپپاراتىن ۇستاپ تۇرۋ ماسەلەسىن شەشۋگە ٴتيىسپىز»، - دەدى ت. مۇسابايەۆ.
ايتا كەتەرلىگى، قازاقستاننىڭ مەملەكەتتىك ورگاندارى سۇراۋ سالۋ ارقىلى سپۋتنيكتەردەن شامامەن 10 ميلليارد تەڭگەنىڭ فوتوسۋرەتتەرىن الۋدا جوسپارلايدى. ال عارىشتىق جۇيەنى ۇستاپ تۇرۋ ٴۇشىن شامامەن جىلىنا 450 ملن. تەڭگە قاجەت ەكەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0