«قازاتومونەركاسىپ» ۇاك» اق مەن قىزىلوردا وبلىسى مەموراندۋم بەكىتتى

استانا. 19 جەلتوقسان. baq.kz – بۇگىن استانا قالاسىندا «قازاتومونەركاسىپ» ۇاك» اق باسقارما ٴتوراعاسى نۇرلان قاپپاروۆ پەن قىزىلوردا وبلىسىنىڭ اكىمى قىرىمبەك كوشەربايەۆ 2015-2016 جىلدارعا ارنالعان قىزىلوردا وبلىسىنىڭ الەۋمەتتىك-ەكونوميكالىق دامۋى اياسىنداعى ٴوزارا ىنتىماقتاستىق تۋرالى مەموراندۋمعا قول قويدى.

وسى كەلىسىم شەڭبەرىندە ۇلتتىق اتوم كومپانياسى الەۋمەتتىك-ينفراقۇرىلىمدىق دامۋ، ٴوڭىر تۇرعىندارىنىڭ ٴال-اۋقاتى دەڭگەيى مەن ٴومىر ساپاسىن جاقسارتۋ بويىنشا مىندەتتەمە الدى.
«قازاتومونەركاسىپ» ۇاك» اق ٴوڭىردىڭ الەۋمەتتىك-ەكونوميكالىق تۇراقتىلىعى، سونىڭ ىشىندە ەنشىلەس كومپانيالار قىزمەتكەرلەرىنىڭ ەڭبەك قۇقىقتارىن قورعاۋعا، قازىرگىلەرىن ساقتاي وتىرىپ، جاڭا جۇمىس ورىندارىن اشۋعا باعىتتالعان ٴىس-شارالارعا قاتىساتىن بولادى.
سونىمەن قاتار، «قازاتومونەركاسىپ» ۇاك» اق كومپانيا بالانسىنداعى بارلىق الەۋمەتتىك نىسانداردى ولاردى قارجىلاندىرۋ ٴۇشىن 2015-2016 جىلدارعا ارنالعان 1،6 ملرد تەڭگە كولەمىندەگى قارجىسىمەن قوسا قىزىلوردا وبلىسىنىڭ كوممۋنالدىق مەنشىگىنە بەرەدى. اتاپ ايتقاندا، اكىمدىككە 20 توسەك-ورىندىق ستانسيونارلىق دارىگەرلىك-سانيتارلىق ٴبولىم، 280 بالاعا ارنالعان بالالار باقشاسى، ستاديونى بار مادەني-سپورتتىق ورتالىعى، «ارمان» مادەنيەت سارايى، مونشا-ساۋىقتىرۋ كەشەنى، قوناق ٴۇي كەشەنى جانە «شيەلى-ەنەرگوسەرۆيس» جشس تاپسىرىلادى.
سونداي-اق، مەموراندۋم اياسىندا ۇلتتىق اتوم كومپانياسى قىزىلوردا قالاسىنداعى جالپى سوماسى 1،6 ملرد تەڭگەلىك 150 توسەك-ورىندىق پەرزەنتحانا جانە ٴبىر مەزگىلدە 50 سىرقاتتى قابىلداي الاتىن ەمحانا قۇرىلىستارىن قارجىلاندىرادى.
2015 جىلى كومپانيا تيىمدىلىگىن ارتتىرۋ ماقساتىندا «قازاتومونەركاسىپ» ۇاك» اق-نىڭ قىزىلوردا وبلىسى اۋماعىندا ۋران وندىرەتىن ەنشىلەس كاسىپورىندارىنىڭ كەڭسەلەرى الماتىدان قىزىلوردا قالاسىنا كوشىرىلەدى. كومپانيالار كەڭسەلەرىنىڭ وڭىرگە كوشۋى دامۋعا قوسىمشا سەرپىن بەرەدى، سونداي-اق وبلىس تۇرعىندارىنا كوپ الەۋمەتتىك قولداۋ جاسايدى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!