«قازاتومونەركاسىپ» ۇاك» اق بيىلعى جىلدىڭ العاشقى توقسانىن قورىتىندىلادى

استانا. 20 ٴساۋىر. baq.kz - 2015 جىلدىڭ ٴبىرىنشى توقسانىنداعى جۇمىس قورىتىندىسى بويىنشا قازاقستان رەسپۋبليكاسىندا (ستحك ەسەپتەمەگەندە) 5 534 توننا ۋران ٴوندىرىلدى، بۇل جوسپارلىق كورسەتكىشتەرگە تولىق سايكەس كەلەدى. 

«قازاتومونەركاسىپ» ۇاك» اق ەنشىلەس جانە باعىنىشتى كاسىپورىندارىن قوسا ەسەپتەگەندە 2015 جىلدىڭ i توقسانىندا 2 898 توننا ۋران ٴوندىردى.

«ماەك-قازاتومونەركاسىپ» جشس 2015 جىلدىڭ قاڭتار-ناۋرىز ايلارىندا ماڭعىستاۋ وبلىسى جانە اقتاۋ قالاسىنىڭ تۇرعىندارى ٴۇشىن 1 293، 5 ملن كۆت*ساعات ەلەكتر ەنەرگياسىن، 1 184 مىڭ گكال جىلۋ ەنەرگياسىن، 284 ملن تەكشە مەتر سۋ، سونىڭ ىشىندە 2،35 ملن تەكشە مەتر اۋىز سۋ ٴوندىردى. بۇل كورسەتكىشتەر ٴوڭىردىڭ قۋات كوزدەرى مەن سۋعا بولعان سۇرانىسىن تولىق قامتاماسىز ەتۋگە جەتكىلىكتى.

«ٴۇلبى مەتاللۋرگيالىق زاۋىتى» اق ەسەپتى كەزەڭدە وندىرگەن بەريلليي ونىمدەرى 404،054 توننانى، تانتال ونىمدەرى – 30،08 توننانى جانە نيوبيي ونىمدەرى 14،672 توننانى قۇرادى.

العاشقى توقساندا «ۋران بايىتۋ ورتالىعى» جاق 571 717 بجب (ٴبولۋ جۇمىسىنىڭ بىرلىگى 1 كگ ۋراندى بەلگىلى دەڭگەيگە دەيىن بايىتۋعا جۇمسالاتىن ەلەكتر ەنەرگياسىنىڭ شىعىنىن سيپاتتايدى) كولەمىندە ۋران بايىتۋ بويىنشا قىزمەت كورسەتتى.

«sareco» بىرلەسكەن كاسىپورنى 2015 جىلدىڭ ٴبىرىنشى توقسانىندا 67 توننا كولەمىندە سيرەك جەر مەتالداردىڭ ۇجىمدىق كونسەنتراتىن شىعاردى. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!