«كازالكو» ونىمدەرى ۆەتنام نارىعىنا شىعۋدى كوزدەيدى - قازاقستان ەكونوميكاسى|25 قاڭتار 2016، 18:59
كۋرسى ۆاليۋت وبنوۆليايۋتسيا
استانا:

«كازالكو» ونىمدەرى ۆەتنام نارىعىنا شىعۋدى كوزدەيدى

استانا. 25 قاڭتار. baq.kz – «كازالكو» الكوگول ونىمدەرىن ادال وندىرۋشىلەر جانە ساتۋشىلار اسسوسياسياسى دەلەگاسياسىنىڭ ۆەتنامعا جۇمىس ساپارى ٴوتتى. ال حانوي قالاسىندا اسسوسياسيا باسشىسى ٴامىرجان قاليەۆتىڭ قازاقستاننان ساپالى الكوگول ونىمدەرىن جەتكىزۋگە قىزىعۋشىلىق بىلدىرگەن ۆەتنامدىق ىسكەر توپ وكىلدەرىمەن كەزدەسۋى سىرتقى ىستەر مينيسترلىگىنىڭ مۇرىندىق بولۋىمەن ۇيىمداستىرىلدى.

اتالمىش ساپار 2015 جىلعى مامىر ايىندا ەۋرازيالىق ەكونوميكالىق وداقتىڭ مۇشە-مەملەكەتتەرى مەن ۆەتنام سوسياليستىك رەسپۋبليكاسى اراسىندا قول قويىلعان ەركىن ساۋدا ايماعى تۋرالى كەلىسىم شەڭبەرىندەگى قازاقستاندىق ەكسپورتتى ۆەتنامنىڭ نارىعىنا ىلگەرىلەتۋ ماقساتىندا ۇيىمداستىرىلدى.

قازاقستاندىق تاراپ، اراسىندا بۇكىل ەلگە تاراعان ساۋدا ورىندارىنا يە ٴىرى ازىق-تۇلىك كورپوراسيالار دا بار، سونداي-اق الكوگول ونىمدەرىنە مامانداناتىن ديستريبيۋتورلىق كومپانيالار دا بار ۆەتنامنىڭ ٴبىر توپ كاسىپكەرلەرىمەن كەزدەسۋلەر بارىسىندا، بارلىق قازاقستاندىق ساپالى جانە سەرتيفيكاتتالعان الكوگول سۋسىندارىمەن تانىستىرىپ كەتتى.

ۆەتنامدىق سەرىكتەستەر قازاقستاندىق ٴونىمنىڭ باسەكەگە جارامدىلىعى مەن جوعارى ساپاسىن اتاپ ٴوتىپ، ساپالى الكوگول ونىمدەرىن تۇتىنۋدىڭ جىل سايىنعى ٴوسىمى بايقالاتىن جەرگىلىكتى 90-ميلليوندىق نارىققا اتالعان تاۋارلاردى جىلجىتۋعا قىزىعۋشىلىق ٴبىلدىردى. سوڭعى 10 جىل ىشىندە الكوگولدى تۇتىنۋ 3،5 ەسە ٴوستى جانە جاقىن كەلەشەكتە ٴوسۋى جالعاسادى دەپ كۇتىلۋدە.

كەلىسسوزدەر بارىسىندا ەاەو مەن ۆەتنام اراسىنداعى ەركىن ساۋدا ايماعى تۋرالى كەلىسىمنىڭ جاعىمدى پرەفەرەنسيالارى اتاپ ٴوتىلدى جانە ونىڭ تالاپتارىنا سايكەس، ٴبىرقاتار الكوگول ونىمدەرىنە بايلانىستى تاريفتەر بىرتىندەپ ىرىقتاندىرىلادى. وسىلايشا، اراقتىڭ اكسيز مولشەرلەمەسى بارا-بارا كەلىسىمنىڭ كۇشىنە ەنۋ كۇنىنەن باستاپ 2020 جىلعا دەيىن 20،5%-عا، ال 2026 جىلعا دەيىن 0%-عا دەيىن تومەندەيدى.

سونىمەن قاتار، قازاقستاننىڭ ۆەتنامداعى ەلشىسى بەكەتجان جۇماحانوۆ ۆەتنامدىق كاسىپكەرلەردى تاۋارلاردى قازاقستاننان ۆەتنامعا جانە كەرى قاراي تاسىمالداۋ مۇمكىنشىلىكتەرىمەن تانىستىرىپ ٴوتتى. اتاپ ايتقاندا، سەرىكتەستەر «جاڭا جىبەك جولى» كولىكتىك-لوگيستيكالىق جوبانى ىسكە اسىرۋدىڭ كەلەشەگىمەن، ەۋرازيالىق ايماقتى ازيا-تىنىق مۇحيت باسسەينى مەن وڭتۇستىك-شىعىس ازيا ەلدەرىمەن بايلانىستىراتىن كولىكتىك دالىزدەرمەن تانىستىردى، ونىڭ ىشىندە قازاقستانمەن تەمىر جولدارمەن بايلانىسقان جانە جۇكتەردى جەتكىزۋىن 3 ەسە قىسقارتاتىن ليانيۋنگان قالاسىنىڭ (قحر) تەڭىز پورتىندا ورنالاسقان قازاقستاندىق تەرمينالدى قولدانۋ مۇمكىنشىلىكتەرىنە ەرەكشە كوڭىل ٴبولدى.

ايتا كەتەيىك، «كازالكو» الكوگول ونىمدەرىن ادال وندىرۋشىلەر جانە ساتۋشىلار اسسوسياسياسى بارلىق قازاقستاندىق الكوگول ونىمدەرىن وندىرۋشىلەردىڭ وكىلى بولىپ تابىلادى. اسسوسياسيا وندىرۋشىلەردىڭ قۇقىقتارى مەن مۇددەلەرىن قورعاۋ جانە قولداۋمەن، كاسىپكەرلىك قىزمەتتەگى ۇيىمداستىرۋ، قارجى-ەكونوميكالىق جانە قۇقىقتىق ماسەلەلەردە قولعابىس كورسەتۋمەن، سونداي-اق الكوگول مەن سپيرت ٴونىمىنىڭ ٴوندىرىس جانە اينالىمى سالاسىندا ماركەتينگتىك زەرتتەۋلەرمەن اينالىسادى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي