استانا: 
631 
0
استانا. 17 ٴساۋىر. baq.kz – «قازاقتەڭىزكولىكفلوتى» اق-نىڭ تەڭىز بويىنشا مۇناي تاسىمالداۋ كولەمى 2014 جىلى 9 ميلليوننان استام توننانى قۇرادى. بۇل تۋرالى «قازاقتەڭىزكولىكفلوتى» اق كەڭسەسىنىڭ اشىلۋى كەزىندە ماڭعىستاۋ وبلىسىنىڭ اكىمى اليك ايداربايەۆ حابارلادى. عيماراتتىڭ اشىلۋ راسىمىنە «قازمۇنايگاز» ۇك» اق باسقارما ٴتوراعاسى ساۋات مىڭبايەۆ تا قاتىستى.
«وتكەن جىلى مۇناي تاسىمالداۋدىڭ جالپى كولەمى 9 ملن 606 مىڭ توننانى نەمەسە كورسەتكىش جوسپارى بويىنشا 109 % قۇرادى. كومپانيا قىزمەتى «اقتاۋ» تەڭىز پورتىنىڭ جۇكتەمەسىنە مۇمكىندىك بەرە وتىرىپ، تەڭىز جولى ارقىلى جۇكتى اۋىستىرىپ تيەۋدى ارتتىرادى. تەڭىز ساۋدا كولىگى ماڭعىستاۋ وبلىسىنداعى كولىك سالاسىنىڭ ەڭ نەگىزگىسى بولىپ بارادى»، - دەپ اتاپ ٴوتتى ٴوز سوزىندە اليك ايداربايەۆ.
كومپانيانىڭ اقپاراتتارى بويىنشا، جۇك كەلەسى باعىتتار بويىنشا ٴبولىندى: اقتاۋ-ماحاچكالا – 2 677 مىڭ توننا، باكۋ پورتىنا (سانگاچال پورتى، ديۋبەندي پورتى) 1 919 مىڭ توننا مۇناي، قارا تەڭىزگە – 3 394 مىڭ توننا، جەرورتا تەڭىزىنە – 1 546 مىڭ توننا. 2014 جىلدىڭ ناۋرىز جانە مامىر ايلارىندا قتكف جەكەمەنشىك فلوتىمەن تۇركىمەنباشى-باكۋ پورتى باعىتى بويىنشا 70 مىڭ توننا مۇنايدى تاسىمالدادى.
بۇدان باسقا، «نۇرلى جول» قازاقستاننىڭ ەكونوميكالىق ساياساتىنىڭ اياسىندا، ترانزيتتىك جۇك تاسقىنىن ديستريبۋسيالايتىن جانە شوعىرلاندىراتىن، جانە شەتەلدەگى قازاقستاندىق ەكسپورتتى جىلجىتاتىن ورتالىقتاردى اشۋ ماقساتىندا سىرتقى تەرمينالدى ينفراقۇرىلىستى ورنالاستىرۋدىڭ نەگىزگى نۇكتەلەرى انىقتالدى.
«بۇگىن ماڭعىستاۋ وبلىسىن قازاقستاننىڭ وڭتۇستىك-باتىسىنداعى وڭىرلىك حاب رەتىندە قالىپتاستىرۋ ٴۇشىن ٴىرى جوابالاردىڭ قاتارىن جۇزەگە اسىرۋ باستالدى. 2014 جىلى جۇك قوزعالىسى باستالعان «جەزقازعان-بەينەۋ» تەمىر جول جەلىسى. بۇل جەلى قازاقستاننىڭ ٴتورت وبلىسى ارقىلى ٴوتىپ، ەلىمىزدىڭ شىعىسىن، ورتالىعىن جانە باتىسىن ەڭ قىسقا جولمەن ٴوزارا بايلانىستىرادى. قۇرىق اۋىلىنداعى پارومدى كەشەنگە كىرەبەرىس جولدى قامتاماسىز ەتەتىن «بورجاقتى-ەرساي» تەمىر جول جەلىسى. قۇرىق اۋىلىنداعى پارومدى كەشەن حتت (حالىق تۇتىناتىن تاۋارلار) جۇگىن اۋىستىرىپ تيەۋگە بەيىمدەلگەن.
اقتاۋ حالىقارالىق تەڭىز ساۋدا پورتىن سولتۇستىك باعىتقا كەڭەيتۋ جانە اقتاۋ قالاسىنداعى «اقتاۋ تەڭىز پورتى» ەەا كولىك-لوگيستيكالىق ورتالىقتىڭ قۇرىلىسى»، - دەپ مالىمدەدى ماڭعىستاۋ وبلىسىنىڭ اكىمى اليك ايداربايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0