قازاقستاننىڭ تۇرعىن ٴۇي قۇرىلىس جيناق بانكى كرەديت بەرۋ تالاپتارىن جەڭىلدەتتى

استانا. شىلدەنىڭ ٴ8-ى. bnews.kz – «قازاقستاننىڭ تۇرعىن ٴۇي قۇرىلىس جيناق بانكى» اق ٴتۇرعىن-ۇي قۇرىلىس جيناقتارى جۇيەسىنە قاتىسۋشىلار ٴۇشiن 2011 جىلدىڭ 1-شىلدەسىنەن باستاپ كرەديت بەرۋ تالاپتارىن جەڭىلدەتتى، دەپ حابارلايدى بانكتىڭ ٴباسپاسوز قىزمەتى.

1. الدىن الا جانە ارالىق تۇرعىن ٴۇي زاەمدارى بويىنشا پايىزدىق سىياقى مولشەرلەمەلەرى تومەندەتىلدى  (جاڭادان بەرىلەتىن زاەمدار بويىنشا).

 ەندى تۇرعىن ٴۇي جاعدايلارىن جاقسارتۋعا الدىن الا جانە ارالىق تۇرعىن ٴۇي زاەمدارىن مىناداي تومەندەتىلگەن سىياقى مولشەرلەمەلەرى بويىنشا الۋ مۇمكىندىگى تۋدى:

- الدىن الا تۇرعىن ٴۇي زاەمدارى بويىنشا شارتتى سومانىڭ 0% باستاپ 25% دەيىن قاراجات جيناقتاعان جاعدايدا – جىلدىق 11% (جىلدىق ٴتيىمدى سىياقى مولشەرلەمەسى – 15،1% دەيىن);

- الدىن الا تۇرعىن ٴۇي زاەمدارى بويىنشا شارتتى سومانىڭ 25% باستاپ 50% دەيىن قاراجات جيناقتاعان جاعدايدا – جىلدىق 10،5% (جىلدىق ٴتيىمدى سىياقى مولشەرلەمەسى – 17،3% دەيىن);

- «جەڭiل» باعدارلاماسىنىڭ ارالىق تۇرعىن ٴۇي زاەمدارى بويىنشا نەگىزگى قارىزدى وتەۋگە قاتىستى تولەمدى ٴۇش جىلدان ارتىق ەمەس مەرزىمگە كەيىنگە قالدىرا وتىرىپ - جىلدىق 9،5% (جىلدىق ٴتيىمدى سىياقى مولشەرلەمەسى – 15،7% دەيىن);

- ستاندارتتى ارالىق تۇرعىن ٴۇي زاەمدارى بويىنشا - جىلدىق 8،5% (جىلدىق ٴتيىمدى سىياقى مولشەرلەمەسى – 17،5% دەيىن).

2. الدىن الا جانە ارالىق تۇرعىن ٴۇي زاەمدارى جانە نەگىزگى تۇرعىن ٴۇي زاەمدارى بويىنشا ك/ك  كورسەتكىشىنىڭ باستاپقى مانىنە قويىلاتىن تالاپ وزگەرتىلدى:

- بەرىلەتىن الدىن الا تۇرعىن ٴۇي زاەمدارى بويىنشا ك/ك كورسەتكىشىنىڭ باستاپقى ٴمانى 50%-دان 60%-عا كوبەيتىلدى;

- بەرىلەتىن ارالىق تۇرعىن ٴۇي زاەمدارى بويىنشا ك/ك كورسەتكىشىنىڭ باستاپقى ٴمانى 50%-دان 70%-عا كوبەيتىلدى;

-   بەرىلەتىن تۇرعىن ٴۇي زاەمدارى بويىنشا ك/ك كورسەتكىشىنىڭ باستاپقى ٴمانى 60%-دان 70%-عا كوبەيتىلدى.

وسىعان بايلانىستى، ەندىگى جەردە بانككە قويىلاتىن كەپىلزاتتىق قامتاماسىز ەتۋگە زاەمنىڭ ۇلكەن سوماسىن الۋعا بولادى.

http://www.bnews.kz/kk/news/post/54168/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!