قازاقستاننىڭ ينۆەستيسيالىق احۋالدى جاقسارتۋ بويىنشا باستامالارىنا جوعارى باعا بەردى - قازاقستان ەكونوميكاسى|22 قاڭتار 2016، 20:00
كۋرسى ۆاليۋت وبنوۆليايۋتسيا
استانا:

قازاقستاننىڭ ينۆەستيسيالىق احۋالدى جاقسارتۋ بويىنشا باستامالارىنا جوعارى باعا بەردى

استانا. 22 قاڭتار. baq.kz - داۆوستاعى دۇنيەجۇزىلىك ەكونوميكالىق فورۋم اياسىندا قر پرەمەر-مينيسترى ك.ٴماسىموۆتىڭ ەۋروپا قايتا قۇرۋ جانە دامۋ بانكىنىڭ پرەزيدەنتى س.چاكرابارتيمەن جانە ترانسۇلتتىق كورپوراسيالاردىڭ باسشىلارىمەن وتكەن كەزدەسۋلەرىندە قازاقستاننىڭ ەلدىڭ ينۆەستيسيالىق تارتىمدىلىعىن ارتتىرۋ سالاسىنداعى تابىستارى تانىستىرىلىپ، تالقىلاندى، دەپ حابارلايدى primeminister.kz. 

سونداي-اق، كەزدەسۋ بارىسىندا قازاقستان رەسپۋبليكاسىنىڭ سوڭعى 15 جىلدا ەل ەكونوميكاسىنا 215 ملرد اقش دوللارىنان استام تىكەلەي ينۆەستيسيالار تارتۋعا مۇمكىندىك بەرگەن ينۆەستيسيالىق احۋالدى جاقسارتۋ بويىنشا جۇرگىزىلگەن رەفورمالارى قاراستىرىلدى. ەقدب قازاقستان ەكونوميكاسىنا 7 ملرد استام اقش دوللارىن ينۆەستيسيالادى جانە 2016 جىلى قازاقستانعا ينۆەستيسيالايتىن وتاندىق جانە شەتەلدىك كومپانيالاردى قارجىلاندىرۋدى جالعاستىرۋدى كوزدەپ وتىر.

كەزدەسۋگە قاتىسۋشىلار سونداي-اق ينۆەستورلاردىڭ ەل ەكونوميكاسىنا قاتىسۋىن جانە الداعى ەكسپو-2017 كورمەسى اياسىندا ٴوزارا ٴتيىمدى ىنتىماقتاستىقتى كەڭەيتۋ، ونىڭ نەگىزىندە استانادا حالىقارالىق قارجى ورتالىعىن قۇرۋ مۇمكىندىكتەرىن تالقىلادى. قر پرەمەر-مينيسترى ك.ٴماسىموۆ اتالعان جوبالارعا بەلسەندى قاتىسۋعا شاقىردى.

ٴوز كەزەگىندە، اقش، ۇلىبريتانيا، تۇركيا جانە ٴۇندىستان سياقتى ەلدەردىڭ حالىقارالىق تانىمال كومپانيالارىنىڭ وكىلدەرى قازاقستاننىڭ ەلدىڭ ينۆەستيسيالىق تارتىمدىلىعىن جاقسارتۋ، ونىڭ ينستيتۋسيونالدىق نەگىزىن نىعايتۋ باعىتىنداعى باستامالارىن جوعارى باعالاپ، ودان ٴارى ىنتىماقتاستىقتى دامىتۋعا مۇددەلى ەكەندىكتەرىن ٴبىلدىردى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي