قازاقستاننىڭ ەلەكتر ەنەرگياسىن ەكسپورتتاۋ الەۋەتى زور

استانا. 2 ٴساۋىر. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا ٴماجىلىس دەپۋتاتى اسحات بەكەنوۆ «نۇرلى جول» باعدارلاماسى اياسىنداعى ەلەكتروەنەرگەتيكا سالاسىنىڭ جوبالارىن جۇزەگە اسىرۋ ماسەلەسىنە قاتىستى وي-پىكىرلەرىمەن بولىسە كەلە، قازاقستاننىڭ ەلەكتر ەنەرگياسىن ەكسپورتتاۋ الەۋەتىنىڭ بولاشاعى زور ەكەندىگىن باياندادى، - دەپ حابارلايدى baq.kz ٴتىلشىسى.

- قازىرگى ۋاقىتتا، قازاقستاننان ەلەكتر ەنەرگياسىن ەكسپورتتاۋ مۇمكىندىگى جوعارىلاۋدا. وتكەن جىلدىڭ مامىر ايىندا ەۋرازيالىق ەكونوميكالىق وداق تۋرالى شارتقا قول قويىلعانى ەسىمىزدە. وداق اياسىندا 2019 جىلدان باستاپ جالپى ەلەكتر ەنەرگەتيكالىق نارىعىن قۇرۋ جوسپارلانۋدا. وسى ماقساتتار ٴۇشىن مۇشە مەملەكەتتەرىنىڭ ىشكى قاجەتتىلىكتەرىن قامتاماسىز ەتۋ ٴۇشىن ەلەكتر ەنەرگياسىن پايدالانۋدىڭ باستى شارتتارىندا بارلىق ەلەكتر ەنەرگياسى بىرىڭعاي ەكونوميكالىق كەڭەس نارىعىنىڭ مۇشەلەرىنە تەحنيكالىق مۇمكىندىك اياسىندا مەملەكەتارالىق بەرۋدى جۇزەگە اسىرۋ ٴۇشىن جەلىگە كەدەرگىسىز مۇمكىندىك ۇسىنۋ قامتاماسىز ەتۋدى رۇقسات بەرەتىن جالپى ەلەكتر ەنەرگەتيكالىق نارىقتى قالىپتاستىرۋ تۇجىرىمداماسى قابىلداناتىن بولادى، - دەدى دەپۋتات.

ونىڭ اتۋىنشا، وسىنىڭ بارلىعى ٴبىرىڭعاي ەكونوميكالىق كەڭىستىك شەڭبەرىندە ەلەكتر ەنەرگياسىن ەكسپورتتاۋ مۇمكىندىگىن جوعارىلاتۋعا الىپ كەلەتىن كورىنەدى.

- باسقا پەرسپەكتيۆالىق باعىت رەتىندە قىتايدىڭ ورتالىق جانە شىعىس وڭىرلەرىنە دەيىن ەلەكتر كەرنەۋى ±800 كۆ ەكىباستۇزدان سۋارعا حامي شس-نا دەيىن جوعارىۆولتتى ۇنەمى توك جەلىلىگىن سالۋمەن قازاقستان ەلەكتر ەنەرگياسى ەكسپورتىن كەڭەيتۋ ماسەلەسى قاراستىرىلۋدا. سونىمەن قاتار، قازاقستاننىڭ ەلەكتر ەنەرگياسىن ەكسپورتتاۋعا تاعى ٴبىر مۇمكىندىك بار. ول - casa-1000 جوباسى ارقىلى، قىس كەزىندە ارتىق ەلەكتر ەنەرگياسىن وسى جەلىلەردىڭ ەنەرگيا كوزىمەن از قامتاماسىز ەتىلگەن ۋاقىتىندا ەكسپورتقا شىعارۋعا بولاتىندىعى. ال جاز ۋاقىتىنداعى ەلەكتر ەنەرگياسىن 1300 مۆت كولەمىندە ۇنەمدەلگەن ەلەكتر ەنەرگياسىن قىرعىز، تاجىكستان رەسپۋبليكالارى ارقىلى ەلەكتر ەنەرگياسىنىڭ تاپشىلىعىن سەزىنىپ وتىرعان اۋعانستان مەن پاكىستان باعىتىنا شىعارۋعا دا تولىق مۇمكىندىك تۋىندايدى، - دەدى اسحات ساقيبەدەن ۇلى.

نۇرلىبەك دوسىباي
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!