BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق مۇناي كومپانيالارى سىرتقى نارىقتا ٴوز ورنىن تاپتى

قازاقستاندىق مۇناي كومپانيالارى سىرتقى نارىقتا كوزگە ٴتۇسىپ، شەتەلدەردەن شاقىرتۋلار الىپ جاتىر. بۇل تۋرالى مۇناي-گاز جوبالارىنىڭ ىسكە اسىرىلۋى بويىنشا وتكەن ٴباسپاسوز ماسليحاتىندا ايتىلدى، دەپ حابارلايدى baq.kz ٴتىلشىسى.

بۇگىنگى تاڭدا قازاقستاندىق نارىقتا «تەڭىزشەۆرويل»، «قاراشىعاناق وپەرەيتينگ كومپاني» جانە «نورت كاسپيان وپەرەيتينگ كومپاني» ٴىرى وپەراتورلاردىڭ ورتاق بيۋدجەتى 45 ملرد دوللاردى قۇرايتىن اۋقىمدى مۇناي-گاز جوبالارىن ىسكە اسىرۋدا. ەلىمىزدە شەتەلدىr ينۆەستورلارمەن كونسورسيۋمدار، بىرلەسكەن كاسىپورىندارىنىڭ قۇرىلۋى جەرگىلىكتى كومپانيالاردىڭ دامۋىنا ۇلكەن مۇمكىندىك بەرەدى.

«شەتەلدىك كومپانيالارمەن بىرىگىپ كونسورسيۋم قۇرۋ باعىتىن قولعا الدىق. سولاردىڭ ٴىشىندt «اسار» كونسورسيۋمى شەتەلدىك ٴتورت جوبانىڭ بىرەۋىن ۇتىپ الدى. بۇل قازاقستاننىڭ جانە وتاندىق مۇناي كومپانيالارىنىڭ جەڭىسى دەپ اتاۋعا بولادى. جانە الداعى ۋاقىتتا شەتەلدىك كومپانيالارمەن بىرىگىپ، «مۇرا» كونسورسيۋمىن قۇرۋ جوسپارلانىپ وتىر»، - دەدى قازاقستان مۇناي-سەرۆيس كومپانيالار وداعىنىڭ ٴتورالقا ٴتوراعاسى راشيد جاقسىلىقوۆ.

قازىرگى ۋاقىتتا اتالمىش ٴۇش ٴىرى وپەراتورلاردىڭ قازاقستانداعى مۇناي-سەرۆيس نارىعىنداعى ۇلەسى 75%-دى قۇرايدى. زەرتتەۋشىلەردىڭ پايىمداۋىنشا، كەلەر ۋاقىتتا اتالعان كورسەتكىش ٴبىرشاما ۇلعايادى. وسىعان وراي، قازاقستاننىڭ مۇناي-سەرۆيس كومپانيالارىنىڭ وداعى ادەتتەگىدەي جەرگىلىكتى كاسىپورىنداردىڭ مۇددەسىن قورعاۋ ماقساتىندا اقپاراتتىق الاڭعا اينالىپ وتىر.

«logicservices kazakhstan» كومپانياسى اۆستراليالىق كومپانيامەن بىرىگىپ، اتىراۋ قالاسىندا قۇرىلعان. سول ۋاقىتتان بەرى ۇلكەن ماسشتابتاعى 4 جوبا ٴوزىنىڭ وڭ ناتيجەسىن بەرگەن.

«قاراپ وتىرساق ٴبىزدىڭ قولىمىزدان 12 مىڭ جۇمىسشى وتكەن، ٴناپاقاسىن تاپقان. اتىراۋدا تەڭىز، قاشاعان جوبالارى كوبىنە شەتەلدىك جۇمىسشىلارمەن تاجىريبە الماسىپ، الەمدىك ستاندارتتارعا سايكەس جۇمىس ىستەۋدە. سونداي-اق، جۋىردا قازاقستاننىڭ سىرتىنان تاعى 2 ٴىرى جوبا الدىق. ونىڭ ٴبىرى گرۋزيا ەلىندەگى گارداباني جانە احالسيحە قالالارىندا. سول جوبا بارىسىندا ٴبىزدىڭ جۇمىسشىلارمەن قاتار، تۇركيا، ازەربايجان ەلىنەن كەلگەن ازاماتتار قاتارلاسا جۇمىس جاسادى. سوندا بايقاعانىم ٴبىزدىڭ جۇمىسشىلار جىلدامدىق، ساپا جاعىنان الدەقايدا الدا. وسىنى كورىپ وزىمىزگە دەگەن سەنىم ارتا ٴتۇستى»، - دەپ اتاپ ٴوتتى سەربولات شورايەۆ.

سونىمەن قاتار، قازاقستاندىقتار رەسەيدىڭ يامالدا سۇيىتىلعان گاز جوباسىنا شاقىرىلعان. العاشقىدا 13 اداممەن باستالعان توپ، 350 ادامعا دەيىن جەتتى. العاشقى گاز الىنىپ، ەۋروپا ەلدەرىنە جىبەرىلدى. شەتەلدىكتەر ٴبىزدىڭ جۇمىستان وڭ ناتيجە كورگەندىكتەن ادام سانى ارتىپ كەلەدى. قازاقستاندىق مۇناي كومپانيالارى سىرتقى نارىقتا ٴوز ورنىن تاۋىپ، الداعى ۋاقىتتا كاتار، اراب ەلدەرىنەن شاقىرتۋ الۋدى جوسپارلاپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي