قازاقستاندىق اۆتوكولىكتەر قۇنى ارزانداۋدا

  استانا. 16 اقپان. baq.kz - قازاقستاندىق اۆتوكولىكتەر قۇنى ارزانداۋدا. «اگرو-ماشحولدينگ»، «الليۋر اۆتو» كومپانيالارىنىڭ رەسمي ورتالىقتارىندا «پەجو» جانە «سسانگ يونگ» كولىكتەرى 30 پايىزدىق جەڭىلدىكپەن ساتىلىمعا شىعارىلدى.

 اۆتوماشينانىڭ كەشەندى جيىنتىعىنا قاراي ساتىپ الۋشى ٴبىر جارىم ميلليون تەڭگەدەي ۇنەمدەي الادى. ساپالى ٴارى قولجەتىمدىلىگى ارتقان وتاندىق ونىمگە دەگەن سۇرانىس تا ۇلعايىپ كەلەدى.
ۆلاديمير پانچەنكو، ساتىپ الۋشى:
- جول تالعامايتىن، 4 دوڭگەلەگى دە ىسكە قوسىلاتىن قاۋىپسىزدىك تالاپتارىنا جاۋاپ بەرەتىن كولىك ىزدەپ ٴجۇر ەدىم. باعاسى جانە تەحنيكالىق سيپاتتاماسى بويىنشا «كايرون» كولىگى كوڭىلىمنەن شىعىپ وتىر. مۇنداي ۇتىمدى شارت ۇسىنىلعان كەزدە رەسەيگە بارىپ، تابان توزدىرۋدىڭ دا قاجەتى شامالى.

24.kz

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!