قازاقستاندا 2018 جىلى الەۋمەتتىك تولەمدەر 16% وسەدى - قازاقستان ەكونوميكاسى|27 جەلتوقسان 2017، 10:03
كۋرسى ۆاليۋت وبنوۆليايۋتسيا
استانا:

قازاقستاندا 2018 جىلى الەۋمەتتىك تولەمدەر 16% وسەدى

قازاقستاندا 2018 جىلدىڭ 1 قاڭتارىنان باستاپ 16%-عا دەيىن وسەتىن الەۋمەتتىك تولەمدەر تىزىمىنە اسىراۋشىسىنان ايىرىلعان جانە ەڭبەككە جارامسىز بولىپ قالعان وتباسىلار كىرەدى، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

«ادىلەت» اقپاراتتىق-قۇقىقتىق جۇيەسىندە جاريالانعان قاۋلىعا سايكەس، 2018 جىلعى 1 قاڭتارعا دەيىن مەملەكەتتiك الەۋمەتتiك ساقتاندىرۋ قورىنان ەڭبەك ەتۋ قابىلەتىنەن ايىرىلۋ جانە اسىراۋشىسىنان ايىرىلۋ جاعدايلارىنا تاعايىندالعان الەۋمەتتiك تولەمدەردiڭ مولشەرiن 2018 جىلعى 1 قاڭتاردان باستاپ الاتىن الەۋمەتتىك تولەمدەردىڭ مولشەرىنەن ون التى پايىزعا ارتتىرۋ جۇرگىزىلەدى.

مىندەتتى الەۋمەتتىك ساقتاندىرۋدىڭ التى ٴتۇرى بار: ەڭبەك ەتۋ قابiلەتiنەن ايىرىلعان جاعداي; اسىراۋشىسىنان ايىرىلعان جاعداي; جۇمىسىنان ايىرىلعان جاعداي; جۇكتىلىگىنە جانە بوسانۋىنا بايلانىستى تابىسىنان ايىرىلعان جاعداي; جاڭا تۋعان بالانى (بالالاردى) اسىراپ الۋىنا بايلانىستى تابىسىنان ايىرىلعان جاعداي; بالا ٴبىر جاسقا تولعانعا دەيىن ونىڭ كۇتىمىنە بايلانىستى تابىسىنان ايىرىلعان جاعداي.

ەڭبەككە جارامسىز بولىپ قالعان جاعدايدا اي سايىنعى الەۋمەتتىك مىندەتتى ساقتاندىرۋدىڭ كولەمى ەڭ از جالاقىدان 80%-ىن الىپ تاستاۋ ارقىلى بەلگىلەنەدى. مىسالى، ٴبىر ايلىق ورتاشا جانە ەڭ از جالاقى مولشەرى 100 مىڭ تەڭگە بولسا، قازاقستاندىق 20 مىڭ تەڭگە كولەمىندە مىندەتتى الەۋمەتتىك كومەك الىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي